وسیم جونیئر کا کراچی ٹیسٹ میں ڈیبیو کرنے کا امکان

ویب ڈیسک

16th Dec, 2022. 06:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وسیم جونیئر کا کراچی ٹیسٹ میں ڈیبیو کرنے کا امکان

انگلینڈ کے خلاف کراچی میں ہونے والے تیسرے اور آخری ٹیسٹ میں محمد وسیم جونیئر کے ڈیبیو کرنے کا امکان ہے۔

پاکستان کی جانب سے کراچی ٹیسٹ میں ایک نوجوان بولر محمد وسیم جونیئر کو آزمانے کا امکان ہے جب کہ انہیں ملتان ٹیسٹ میں کوئی وکٹ حاصل نہ کرنے والے بولر محمد علی کی جگہ اسکواڈ میں شامل کیا جائے گا۔

یہ بھی پڑھیں: بابر اعظم کا اظہر علی کے مستقبل کے لیے نیک تمناؤں کا اظہار

دوسری جانب اوپننگ بلے باز امام الحق کے کراچی ٹیسٹ سے باہر ہونے کے بعد پاکستان ٹیم کے مسائل میں اضافہ ہوگیا ہے جب کہ تجربہ کار بلے باز اظہر علی کو ان کی جگہ کھلانے کا امکان ہے۔

جمعہ کو میڈیا سے گفتگو کرتے ہوئے کپتان بابر اعظم کا کہنا تھا کہ ’امام الحق کو ہیمسٹرنک کا مسئلہ ہے جس کی وجہ سے وہ کل کا میچ نہیں کھیلیں گے‘۔

انہوں نے کہا کہ یہ انجری پاکستان کو سیریز میں بہت مہنگی پڑے گی کیونکہ اس سے قبل شاہین آفریدی اور حارث رؤف بھی انجری کی وجہ سے باہر بیٹھے ہیں۔

یہ بھی پڑھیں: ریحان احمد کراچی ٹیسٹ میں ڈیبیو کریں گے

وہی نسیم شاہ بھی کندھے کی انجری سے صحتیاب ہونے میں ناکام رہے ہیں جب کہ وہ بھی تیسرا ٹیسٹ نہیں کھیل سکیں گے۔

خیال رہے کہ کل سے کراچی میں پاکستان اور انگلینڈ کی ٹیموں کے درمیان تیسرے ٹیسٹ میچ کا آغاز ہونے جارہا ہے جو 21 دسمبر تک جاری رہے گا جب کہ سیریز میں انگلینڈ کو 2-0 کی فیصلہ کن برتری حاصل ہے۔