انگلینڈ کی جانب سے شاندار ڈیبیو کے بعد ریحان احمد نے اپنی والدہ کے نام دل کو چھولینے والا پیغام شیئر کیا ہے۔

ریحان احمد کی شاندار کارکردگی نے انگلینڈ کو پاکستان کے خلاف تیسرے ٹیسٹ میں فتح کے ساتھ سیریز میں کلین سوئپ کرنے میں اہم کردار ادا کیا ہے۔

میچ ختم ہونے کے بعد ریحان احمد نے سماجی رابطے کی سائٹ پر ٹوئٹ کیا جس میں انہوں نے لکھا کہ ’میں الفاظ میں بیان نہیں کرسکتا کہ میں کیسا محسوس کررہا ہوں‘۔

I can’t put into words how I feel. Without my mothers prayers, I would never have got to this stage.

I’m forever grateful to my mum, who unfortunately wasn’t able to be here with me. However, her prayers are always with me regardless.@englandcricket #Debut | #pakvseng pic.twitter.com/Gtx75V3imh

Advertisement

— Rehan Ahmed (@RehanAhmed__16) December 20, 2022

انہوں نے لکھا کہ ’میں اپنی ماں کی دعاؤں کے بغیر کبھی بھی اس مرحلے تک نہیں پہنچ سکتا تھا، میں ہمیشہ کے لیے اپنی ماں کا شکر گزار ہوں‘۔

انہوں نے مزید لکھا کہ ’بدقسمتی سے وہ میرے ساتھ یہاں موجود نہیں تھیں لیکن ان کی دعائیں ہمیشہ میرے ساتھ ہیں‘۔

واضح رہے کہ انگلینڈ کے نوجوان اسپنر نے 23 دسمبر کو ہونے والی آئی پی ایل کی نیلامی میں بھی خود کو پیش کردیا ہے۔

یہ بھی پڑھیں: ریحان احمد انتہائی نایاب ٹیلنٹ ہے، بین اسٹوکس

انگلینڈ ریڈ بال ٹیم کے ہیڈ کوچ برینڈن میک کولم کا خیال ہے کہ ریحان احمد آئی پی ایل میں کھیلتے ہوئے ابھر کر سامنے آئیں گے۔

ان کا کہنا تھا کہ ایک دو بار آئی پی ایل کا حصہ رہا ہوں اور یہ بہت اچھا ہوگا، اگر وہ آئی پی ایل میں شامل ہوتے ہیں تو انہیں مختلف کوچز اور کپتانوں کے ساتھ کھیلنے کا موقع ملے گا جب کہ مختلف کھلاڑیوں کے ساتھ کھیل کر ان کے تجربے میں اضافہ ہوگا۔

انہوں نے مزید کہا کہ پوری دنیا میں ایسا کون ہوگا جو 18 سال کی عمر میں ایسے مواقع حاصل کرنے والا ہو؟ مجھے لگتا ہے کہ ہمیں ان کی حوصلہ افزائی کرنی چاہیے۔