چیئرمین پی سی بی کی تبدیلی، وزیر اعظم بے اختیار

اعجاز وسیم باکھری

21st Dec, 2022. 02:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چیئرمین پی سی بی کی تبدیلی، وزیر اعظم بے اختیار

لاہور: چیئرمین پی سی بی کی تبدیلی کے معاملے پر وزیر اعظم بے اختیار دے رہے ہیں۔

پاکستان کرکٹ بورڈ کے آئین کے متن کے مطابق پی سی بی کا موجودہ آئین وزیراعظم کو چیئرمین پی سی بی کو ہٹانے کی اجازت نہیں دیتا۔

چیئرمین کو ہٹانے کا واحد طریقہ پی سی بی بورڈ آف گورنرز میں عدم اعتماد کا ووٹ ہے جب کہ رمیز راجہ کو ہٹانے کیلئے بورڈ آف گورنرز میں 4 میں سے 3 کی اکثریت کی ضرورت ہے۔

یہ بھی پڑھیں: چیئرمین پی سی بی رمیز راجہ کا اقتدار ختم ہونے کے قریب

وزیر اعظم بطور پی سی بی پیٹرن انچیف کرکٹ بورڈ کے آئین کو تبدیل کرکے چیئرمین کو ہٹا سکتے ہیں جس کے لیے وفاقی حکومت کو پی سی بی کا 2019 کا منظور شدہ آئین تبدیل کرنا پڑے گا۔

دوسری صورت میں اگر رمیز راجہ استعفیٰ دے دیں تو بورڈ کا نیا سربراہ بنایا جاسکتا ہے۔

واضح رہے کہ چیئرمین پی سی بی رمیز راجہ کا اقتدار ختم ہونے کے قریب پہنچ گیا ہے جب کہ انہیں عہدے سے ہٹانے کی سمری وزارت بین الصوبائی رابطہ نے وزیر اعظم کو ارسال کردی ہے۔

پی سی بی کے بورڈ آف گورنرز کے لیے دو نئے نام تجویز کیے گئے ہیں جس میں نجم سیٹھی اور شکیل شیخ کے نام شامل ہیں۔

سمری کی باضابطہ منظوری کابینہ سے لی جائے گی جب کہ وزیر اعظم شہباز شریف نے نجم سیٹھی کو پی سی بی کا چیئرمین نامزد کر رکھا ہے۔