بلوچستان میں کرکٹ کے میدان سجنے کو تیار ہیں، پاکستان سپر لیگ کے آغاز سے قبل کوئٹہ میں سپر مقابلے کے لیے تیاریاں مکمل کرلی گئیں۔

تفصیلات کے مطابق پاکستان سپر لیگ (پی ایس ایل) کے باقاعدہ آغاز سے قبل  کوئٹہ  کے بگٹی اسٹیڈیم میں 5 فروری کو کوئٹہ گلیڈی ایٹرز اور پشاور زلمی کا جوڑ  پڑے گا۔

بابر اعظم پشاور زلمی اور سرفراز احمد کوئٹہ گلیڈی ایٹرز کی قیادت  کریں گے۔

مزید پڑھیں: انتظار کی گھڑیاں ختم؛ پی ایس ایل 8 کے شیڈول کا اعلان کردیا گیا

اس میچ کے دوران  سابق کپتان جاوید میانداد، شاہد آفریدی، محمد یوسف، انضمام الحق اور معین خان بھی ایکشن میں دکھائی  دیں گے۔

ان کے علاوہ نامور کھلاڑیوں وہاب ریاض، کامران اکمل،عمر اکمل، محمد نواز، افتخار احمد، نسیم شاہ اور محمد حسنین سمیت واحد بنگلزئی، بسم اللہ خان، حسیب اللہ  بھی ایکشن میں ہوں گے۔

بلوچستان کے فینز  کے لیے ٹکٹوں کی فروخت  30 جنوری  بروز پیر سے شروع ہوگی۔

مزید پڑھیں: سابق آسٹریلوی کپتان مائیکل کلارک پی ایس ایل میں کمنٹری کریں گے

میچ کے ٹکٹ المحمود مارٹ ایئرپورٹ، گلزاری ٹریولز مری آباد، جان مال، ڈسکہ اسپورٹس اسٹور بگٹی اسٹیڈیم اور بولان کرکٹ اسٹیڈیم میں دستیاب  ہوں گے۔

پشاور زلمی اور کوئٹہ  گلیڈی ایٹرز کے درمیان ہونے والا یہ معرکہ سرکاری چینل پر براہ راست نشر کیا جائے گا۔

چیئرمین پی سی بی مینجمنٹ کمیٹی نجم سیٹھی سمیت اعلیٰ شخصیات بھی میچ دیکھیں  گی۔