مکی آرتھر پی سی بی کو چکر دینے لگے، پی سی بی بھی چکرا گیا

اعجاز وسیم باکھری

30th Jan, 2023. 03:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مکی آرتھر پی سی بی کو چکر دینے لگے، پی سی بی بھی چکرا گیا

لاہور: پی سی بی مکی آرتھر کو ’’آن لائن‘‘ ہیڈ کوچ رکھنے پر راضی ہوگیا ہے۔

ذرائع کے مطابق پاکستان کرکٹ بورڈ (پی سی بی) مکی آرتھر کو ’’آن لائن‘‘ ہیڈ کوچ رکھنے پر راضی ہوگیا ہے۔

یہ بھی پڑھیں: مکی آرتھر نے پاکستان ٹیم کی کوچنگ سنبھالنے سے معذرت کرلی

ذرائع کا کہنا ہے کہ مکی آرتھر اپنی مرضی کی سیریز اور ٹورنامنٹ میں ٹیم کے ساتھ سفر کریں گے اور اگر مکی آرتھر کے ساتھ کنٹریکٹ طے پاجاتا ہے تو وہ اکتوبر میں ان کی پہلی فیلڈ اسائنمنٹ ہوگی۔

مکی آرتھر اپریل میں نیوزی لینڈ کے خلاف ہوم سیریز میں بھی ’آن لائن‘ کوچنگ کریں گے جب کہ ایشیا کپ، دورہ سری لنکا اور شارجہ میں افغانستان کے خلاف سیریز میں بھی ‘‘ آن لائن ‘‘ کوچنگ کریں گے۔

ذرائع نے بتایا کہ اگلے برس 2024 میں امریکہ اور ویسٹ انڈیز میں ہونے والے ورلڈ کپ میں بھی پاکستانی ٹیم کے ہیڈ کوچ ٹیم کے ساتھ نہیں ہوں گے، مکی آرتھر 2024 میں پاکستان ٹیم کے دورہ انگلینڈ، آئرلینڈ اور نیدرلینڈز میں بھی ’آن لائن‘ کوچنگ کریں گے۔

یہ بھی پڑھیں: مکی آرتھر کی منت سماجت کے بعد پی سی بی کا یوٹرن

ذرائع نے مزید بتایا کہ پی سی بی مکی آرتھر کے لیے اسسٹنٹ کوچز بھی غیر ملکی رکھے گا، مکی آرتھر ڈربی شائر کاؤنٹی کے ساتھ معاہدہ جاری رکھنا چاہتے ہیں جب کہ پی سی بی زبردستی انہیں ساتھ رکھنے کیلئے کوشاں ہے۔