پاکستان کرکٹ ٹیم کے آل راؤنڈر شاداب خان کی مہندی کی ویڈیو سوشل میڈیا پر وائرل ہوگئی ہے۔

سوشل میڈیا پر وائرل ہونے والی اس ویڈیو میں فاسٹ بولر حسن علی کی اہلیہ سامیہ خان کو شاداب خان کے ہاتھ پر مہندی لگاتے ہوئے دیکھا جاسکتا ہے۔

واضح رہے کہ شاداب خان کا نکاح گزشتہ ماہ قومی ٹیم کے سابق ہیڈ کوچ ثقلین مشتاق کی بیٹی کے ساتھ ہوا تھا جس کی تصدیق انہوں نے خود سوشل میڈیا پر کی تھی۔

انہوں نے اپنے ٹوئٹر اکاؤنٹ پر مداحوں کو اپنے نکاح کی خوشخبری دیتے ہوئے کہا تھا کہ الحمد اللہ آج میرا نکاح تھا، یہ میری زندگی کا بہت بڑا دن تھا اور آج ایک نئے باب کا اضافہ ہوا ہے۔

Alhamdulilah today was my Nikkah. It is a big day in my life and start of a new chapter. Please respect my choices and those my my wife’s and our families. Prayers and love for all pic.twitter.com/in7M7jIrRE

— Shadab Khan (@76Shadabkhan) January 23, 2023

قومی ون ڈے ٹیم کے نائب کپتان شاداب خان نے اپنی ٹوئٹ میں لکھا تھا کہ مہربانی کر کے میرے انتخاب، میری اہلیہ اور خاندان کا احترام کریں۔ میری طرف سے آپ سب کے لیے دعائیں اور ڈھیر سارا پیار۔

یہ بھی پڑھیں: شاداب خان کی شادی کا کارڈ سوشل میڈیا پر وائرل

اسلام آباد یونائیٹڈ کے کپتان نے مزید لکھا تھا کہ میں اپنے مینٹور ثقی بھائی (ثقلین مشتاق) کے خاندان کا حصہ بن رہا ہوں، جب میں نے کرکٹ کھیلنی شروع کی تب سے میں اپنی نجی زندگی کو علیحدہ رکھنا چاہتا تھا اور میری فیملی نے بھی اسی عمل کو ترجیح دی۔

لیگ اسپنر نے کہا تھا کہ میری اہلیہ بھی چاہتی ہیں کہ ہماری زندگی نجی ہی رہے، وہ اسے پبلک نہیں کرنا چاہتی لہذا آپ سے گزارش ہے کہ ہمارے خاندان کی خواہش کا احترام کریں۔