پاکستان شاہینز نے شاہ ویز عرفان اور علی اسفند کی بدولت ٹاپ اینڈ ٹی ٹوئنٹی سیریز کے فائنل میں کوالیفائی کرلیا ہے۔

جمعہ کو ٹاپ اینڈ ٹی ٹوئنٹی سیریز میں پاکستان شاہینز کا مقابلہ پاپوا نیو گنی سے ہوا جس میں شاہ ویز عرفان اور علی اسفند کی عمدہ کارکردگی کے باعث پاکستان شاہینز نے کامیابی اپنے نام کی۔

فتح کے بعد پاکستان شاہینز نے فائنل کے لیے کوالیفائی کرلیا ہے جس میں ان کا مقابلہ 6 اگست کو ٹیریٹری اسٹرائیک سے ہوگا جو مقامی وقت کے مطابق 3 بجے شروع ہوگا۔

اس میچ میں پاپوا نیو گنی نے پہلے بیٹنگ کرتے ہوئے 20 اوورز میں 8 وکٹوں کے نقصان پر 120 رنز کا ہدف دیا، پاکستان شاہینز کی جانب سے اسپنر علی اسفند نے چار کھلاڑیوں کو آؤٹ کیا جب کہ عالیان محمود اور عرفات منہاس نے دو دو وکٹیں حاصل کی۔

پاکستان شاہینز نے مقررہ ہدف 13 ویں اوور میں ہی پورا کرلیا، شاہ ویز عرفان نے 32 گیندوں پر نصف سنچری کی بدولت 54 رنز کی ناقابل شکست اننگز کھیلی جس میں انہوں نے 10 چوکے لگائے۔

علاوہ ازیں کپتان روحیل نذیر نے 22 گیندوں پر 3 چوکوں اور ایک چھکے کی مدد سے تیز رفتار 33 رنز بنائے جب کہ اذان نے 23 گیندوں پر 26 رنز بنائے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں