پاکستان کرکٹ بورڈ (پی سی بی) نے افغانستان کے خلاف سیریز اور ایشیا کپ 2023 کے لیے مینجمںٹ کا اعلان کردیا ہے۔

پی سی بی نے ٹیم کے لئے سائیکالوجسٹ مقرر کردیا ہے، ماہر نفسیات مقبول بابری ایشیا کپ اور افغانستان سیریز میں ٹیم کے ہمراہ سفر کریں گے۔

ریحان الحق ٹیم مینجر اور مکی آرتھر ٹیم ڈائریکٹر ہوں گے، گرانٹ بریڈ برن ہیڈ کوچ اینڈریو پٹک بیٹنگ کوچ اور مورنی مورکل بولنگ کوچ ہوں گے۔

فیلڈنگ کوچ آفتاب اور عبدالرحمان اسسٹنٹ کوچ اسپورٹ اسٹاف میں شامل ہیں، ڈریکس سائمن کنڈیشنگ کوچ، کلف ڈیکن فزیو تھراپسٹ اور احسن افتخار میڈیا مینجر ہوں گے۔

دوسری جانب ایشیاکپ اور افغانستان سیریز کے لیے قومی اسکواڈ کا اعلان کردیا گیا ہے، ایشیا کپ کے لیے 17 اور افغانستان سیریز کیلئے 18 رکنی قومی اسکواڈ کا اعلان کیا گیا ہے۔

ایشیا کپ کے لیے 17 رکنی پاکستانی ٹیم ان کھلاڑیوں پر مشتمل ہے۔ بابراعظم (کپتان)، شاداب خان (نائب کپتان)، عبداللہ شفیق، فخرزمان، امام الحق، محمد رضوان، محمد حارث، سلمان علی آغا، افتخار احمد، طیب طاہر، محمد نواز، اسامہ میر، فہیم اشرف، محمد وسیم جونیئر، حارث رؤف، نسیم شاہ اور شاہین آفریدی شامل ہیں۔

افغانستان کے خلاف سیریز کے لیے 18 رکنی اسکواڈ میں مڈل آرڈر بلے باز سعود شکیل کو بھی شامل کیا گیا ہے۔

واضح رہے کہ ایشیاکپ 2023 کا آغاز 30 اگست سے ہورہا ہے جس کے میچز 17 ستمبر تک کھیلے جائیں گے جب کہ افغانستان کے خلاف سیریز 22 اگست سے 26 اگست کے دوران کھیلی جائے گی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں