سابق آسٹریلوی کرکٹر میتھیو ہیڈن نے ایشیاکپ 2023 کے سب سے بڑے میچ پاک بھارت ٹاکرے کی پیش گوئی کردی ہے۔

بھارتی اسپورٹس چینل کے ساتھ گفتگو میں سابق آسٹریلوی کرکٹر میتھیو ہیڈن نے ایشیاکپ 2023 کے ہائی وولٹیج میچ کے حوالے سے اپنے تجربات کی روشنی میں پیش گوئی کی ہے۔

انہوں نے بھارت کو خبردار کرتے ہوئے کہا کہ حارث رؤف اپنی تیز رفتار گیند بازی اور آف اسٹمپ کے اوپر گیند کروانے کی صلاحیت رکھتے ہیں جو بھارتی بلے بازوں کے لیے چیلنجنگ ہوسکتا ہے۔

ان کا کہنا تھا کہ شاہین آفریدی، حارث رؤف اور نسیم شاہ کا شمار اس کرہ ارض کے دلچسپ بولرز میں ہوتا ہے جب کہ یہ بولرز منفرد قسم کے بولرز ہیں جن کی ہر ٹیم کو ضرورت ہوتی ہے۔

میتھیو ہیڈن کہتے ہیں کہ کینیڈی میں گیند بہت زیادہ باؤنس ہوتی ہے لہذا بھارت کو اس پر نظر رکھنی ہوگی اور خاص طور پر حارث رؤف سے محتاط رہنا ہوگا جب کہ شاہین آفریدی کے خلاف قدامت پسند ہونا پڑے گا۔

سابق آسٹریلوی کرکٹر کا کہنا تھا کہ ورلڈکپ کو یاد رکھیں جب شاہین آفریدی نے وکٹیں حاصل کیں تھیں اور اس گیند کو کبھی نہیں بھول سکتے جو انہوں نے روہت شرما کو کروائی تھی، اس لیے شاہین آفریدی کے خلاف تھوڑی سی احتیاط کی ضرورت ہے۔

انہوں نے بھارتی ٹیم کو مشورہ دیتے ہوئے کہا کہ نسیم شاہ کے خلاف جارحانہ کھیل پیش کرکے آپ کو اسے پریشر میں لینا ہوگا اور ایسا محسوس کروانا ہوگا کہ آپ گیم میں اوپر ہیں۔

تاہم انہوں نے پاک بھارت ٹاکرے پر تبصرے کرتا ہوئے مزید کہا کہ اس میچ میں بیٹنگ لائن اپ کے باعث بھارت کا پلڑا بھاری رہے گا اور مجھے لگتا ہے کہ یہ میچ بھارتی ٹیم ہی جیتے گی۔

واضح رہے کہ ایشیاکپ 2023 میں پاک بھارت ٹاکرا کل بروز ہفتہ 2 ستمبر کو کینیڈی کے پالی کیلے انٹرنیشل کرکٹ اسٹیڈیم میں کھیلا جائے گا۔

حالات حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں  https://bit.ly/3Tv8a3P اور بیل آئیکن پر کلک کریں