آسٹریلیا کے شین واٹسن اور ایرون فنچ سمیت ویسٹ انڈیز کے کرس گیل نے پاکستان کو سیمی فائنل کے لیے فیورٹ قرار دے دیا۔

عالمی کرکٹ کے لیجنڈز نے پاکستان کو سیمی فائنل کے لیے فیورٹ قرار دیا ہے جن میں آسٹریلیا کے شین واٹسن اور ایرون فنچ، ویسٹ انڈیز کے کرس گیل، سری لنکا کے مرلی دھرن اور بھارت کے روبن اتھاپا نے بھی پاکستان کو سیمی فائنلسٹ ٹیم قرار دیا۔

عرفان پٹھان، گوتم گھمبیر، سنجے منجریکر، سنیل گواسکر اور جیک کیلس نے پاکستان کو سیمی فائنل کی دوڑ سے نکال دیا۔

جنوبی افریقہ کے سابق کرکٹر جیک کیلس نے بھارت، انگلینڈ، جنوبی افریقہ اور آسٹریلیا کی ٹیموں کو سیمی فائنلسٹ قرار دیا۔ ایرون فنچ نے بھارت ،انگلینڈ،آسٹریلیا اور پاکستان کو سیمی فائنلسٹ ٹیم قرار دیا۔

ویسٹ انڈیز کے سابق کرکٹر کرس گیل نے بھارت، پاکستان، انگلینڈ اور آسٹریلیا کو سیمی فائنلسٹ ٹیمیں قرار دیا۔

گوتم گھمبیر نے بھارت، آسٹریلیا، انگلینڈ اور نیوزی لینڈ کو سیمی فائنل کے لئے فیورٹ قرار دیا جب کہ بھارتی لیجنڈری سابق کرکٹر سنیل گواسکر نے انگلینڈ، آسٹریلیا، بھارت اور جنوبی افریقہ کو سیمی فائنل کے لئے فیورٹ قرار دیا۔

اسی طرح عرفان پٹھان نے بھارت، جنوبی افریقہ، آسٹریلیا اور انگلینڈ کو سیمی فائنل کی لسٹ میں شامل کیا جب کہ سری لنکا کے سابق لیجنڈری اسپنر مرلی دھرن نے بھارت، پاکستان، انگلینڈ اور آسٹریلیا کو فیورٹ قرار دیا۔

سابق آسٹریلوی آل راونڈر شین واٹسن نے آسٹریلیا، انگلینڈ، بھارت اور پاکستان کو فیورٹ قرار دیا، سابق بھارتی کرکٹر سنجے منجریکر نے بھارت، آسٹریلیا ،انگلینڈ اور نیوزی لینڈ جب کہ روبن اتھاپا نے پاکستان، آسٹریلیا، نیوزی لینڈ اور بھارت کو فیورٹ قرار دیا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں