چین کے شہر ہانگ زو میں جاری 19ویں ایشین گیمز میں پاکستان ہاکی ٹیم کی فتوحات کا سلسلہ جاری ہے۔
تفصیلات کے مطابق پاکستان ہاکی ٹیم نے اپنے دوسرے پول میچ میں بنگلہ دیش کے خلاف فتح حاصل کرلی۔
پاکستان نے بنگلہ دیش کو دو کے مقابلے میں پانچ گول سے شکست دے دی۔
بنگلہ دیش کی جانب سے پاکستان کے خلاف کھیل کے 19ویں منٹ میں پینلٹی کارنر کے ذریعہ گول اسکور کرکے برتری حاصل کی گئی۔
پاکستان کی جانب سے کھیل کے 30ویں منٹ میں افراز نے فیلڈ گول کے ذریعہ اسکور کرکے اس برتری کا خاتمہ کیا۔
کھیل کے 40ویں منٹ میں پاکستان کے رائیٹ سٹرائیکر شاہزیب خان نے فیلڈ گول اسکور کرکے پاکستان کی برتری کو مستحکم بنایا۔ کھیل کے 43ویں منٹ میں پاکستان کے لیفٹ سٹرائیکر محمد عماد نے پاکستان کی جانب سے تیسرا گول اسکور کیا۔
بنگلہ دیش نے کھیل کے 46ویں منٹ میں فیلڈ گول اسکور کرکے خسارے کو کم کیا۔
ڈریگ فلکر سفیان خان نے کھیل کے 48ویں منٹ میں پینلٹی کارنر کے نتیجے میں ڈریگ فلک کے ذریعہ گول اسکور کرکے پاکستان کی جانب سے چوتھا گول اسکور کیا۔
کھیل کے 57ویں منٹ میں پاکستان کے ڈریگ فلک اسپیشلسٹ ارباز احمد نے پینلٹی کارنر کے ذریعہ ڈریگ فلک لگا کر پاکستان کی جانب سے پانچواں گول اسکور کیا۔
پاکستان ہاکی ٹیم 28 ستمبر کو ازبکستان کے خلاف اپنا تیسرا میچ پاکستانی وقت کے مطابق شام 6 بجے کھیلے گی۔
یاد رہے کہ ایشین گیمز ہاکی مقابلوں میں بارہ ٹیمیں شریک ہیں جنہیں دو پول میں تقسیم کیا گیا ہے۔
پاکستان سمیت انڈیا، جاپان، بنگلہ دیش، سنگا پور اور ازبکستان کی ٹیمں پول اے میں شامل ہیں جبکہ کوریا ، ملائشیا، چین ، عمان، تھائی لینڈ اور انڈونیشیا کی ٹیمیں پول بی میں شامل ہیں۔
پاکستان ہاکی ٹیم اپنے پول میں دو میچوں میں مجموعی طور پر 16 گول اسکور کرچکی ہے۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں https://bit.ly/3Tv8a3P اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News