سابق کرکٹر عمر گل نے کرکٹ سے ریٹائرمنٹ کی وجہ بتادی

ویب ڈیسک

30th Apr, 2024. 03:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سابق کرکٹر عمر گل نے کرکٹ سے ریٹائرمنٹ کی وجہ بتادی

پاکستان کے سابق کرکٹر عمر گل نے کرکٹ سے ریٹائرمنٹ کی وجہ بتادی ہے۔

حال ہی میں اپنے دیے گئے ایک انٹرویو میں عمر گل نے بتایا کہ میں نے آج تک اپنی اہلیہ کو بھی یہ نہیں بتایا کہ میں نے ریٹائرمنٹ کیوں لی لیکن آج یہ بتانے جارہا ہوں۔

انہوں نے کہا کہ میرا بہت اچھا دوست تھا کلیم وہ کراچی میں رہتا تھا، 2004 سے ہم دوست تھے اور دوستی ایسی تھی کہ وہ میری صورت دیکھ کر پہچان جاتا تھا کہ میرے دل میں کیا ہے۔

ان کا کہنا تھا کہ 2020 میں کورونا کے پہلے سال عید سے دو دن پہلے وہ کراچی سے واپس آرہا تھا اور ایک حادثے میں وہ جاں بحق ہوگیا۔

سابق کرکٹر نے بتایا کہ میں کراچی میں صرف اس سے ملنے آتا تھا، اب جب وہ ہی کراچی میں نہیں تھا تو میں نے کہا کہ بس اب ریٹائرمنٹ لے لیتا ہوں اور بس یہ فیصلہ لے لیا۔

واضح رہے کہ عمر گُل نے سال 2020 میں ہر طرز کی کرکٹ سے ریٹائرمنٹ کا اعلان کردیا تھا۔