قومی فاسٹ بولر حسن علی کا کہنا ہے کہ جب ہم ہوٹل کے ایک کمرے میں ہی بند رہیں گے تو گھٹن تو محسوس ہوگی۔

پاکستان کرکٹ ٹیم ان دنوں ورلڈکپ 2023 کے لیے بھارت کے شہر بنگلورو میں موجود ہے، جہاں قومی ٹیم کا اگلا مقابلہ کل آسٹریلیا سے ہوگا جب کہ اس سے قبل میچ میں پاکستان کو بھارت سے بدترین شکست کا سامنا کرنا پڑا تھا۔

بنگلورو میں پریس کانفرنس کرتے ہوئے قومی فاسٹ بولر حسن علی کا کہنا تھا کہ ایک میچ ضرور ہارے ہیں لیکن آئندہ میچز جیتنے کے لئے پرعزم ہیں۔

انہوں نے کہا کہ ہماری گاڑی چلتے چلتے رکی تھی اور اب اگلے میچز میں یہ گاڑی پھر چلے گی جب کہ حسن علی مذاق کرتے ہوئے یہ بھی کہا کہ پاکستان میں پیٹرول سستا ہوگیا ہے اس لیے گاڑی اب چلتی رہے گی۔

ان کا کہنا تھا کہ میڈیا کے آنے سے ہمارے فینز کی تعداد بڑھ گئی ہے اور اب ہم 40 پاکستانی ہوگئے ہیں۔

انہوں نے بتایا کہ فخر زمان کی گھٹنے کی انجری چل رہی ہے جب کہ باقی تمام 14 پلیئرز دستیاب ہیں اور طبعیت کسی کے ہاتھ میں نہیں ہوتی۔

قومی فاسٹ بولر نے یہ بھی کہا کہ جب ہم ہوٹل کے ایک کمرے میں بند رہیں گے تو گھٹن تو محسوس ہوگی۔ ہمیں باہر جانے میں ایشو ہیں اور جب جاتے ہیں تو سیکیورٹی بہت ساتھ جاتی ہے۔

حسن علی نے کہا بھارت میرا سسرالی ملک ہے، مجھ پر بہت پریشر ہے لیکن میزبانی اچھی ہورہی ہے۔ ہماری بولنگ کو دنیا نمبر ون مانتی ہے اور یہ ہم خود سے نہیں کہتے۔

فاسٹ بولر کہتے ہیں میری والڈ کارڈ انٹری ہوئی ہے، شاید آپ لوگ نہیں مان رہے۔ ہمارا صرف ایک بولر تبدیل ہوا ہے جب کہ سارے پلئیرز میچ ونر ہیں۔

انہوں نے مزید کہا کہ کسی بھی فارمیٹ میں جب تک آپ وکٹ نہیں لیتے تو اسکور کو نہیں روک سکتے۔ میرے پاس جو بھی اسکز ہیں میں اس کو استعمال کرتا ہوں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں