آسٹریلیا کے ہاتھوں بھارت کی شرمناک شکست کے بعد وزیر اعظم نریندر مودی میزبانی کے آداب ہی بھول گئے۔

آئی سی سی مینز کرکٹ ورلڈکپ 2023 کا فائنل بھارت اور آسٹریلیا کی ٹیموں کے درمیان گزشتہ روز احمد آباد کے نریندر مودی کرکٹ اسٹیڈیم میں کھیلا گیا جس میں بھارت کو شرمناک شکست کا سامنا کرنا پڑا۔

بھارت نے پہلے بیٹنگ کرتے ہوئے 241 رنز کا ہدف دیا جس کو آسٹریلیا نے 4 وکٹوں کے نقصان پر حاصل کرکے چھٹی بار عالمی اعزاز اپنے نام کیا۔

میچ کے اختتام پر بھارتی وزیر اعظم نریندر مودی فاتح ٹیم کے کپتان پیٹ کمنز کو ٹرافی دینے آئے تو میزبانی کے آداب ہی بھول گئے۔

Disgraceful behaviour pic.twitter.com/eI3qhUTxFT

Advertisement

— Murtaza Ali Shah (@MurtazaViews) November 19, 2023

نریندر مودی نے جیسے تیسے پیٹ کمنز کو ٹرافی تھمائی اور ہاتھ ملائے بغیر ہی منہ موڑ کر چلتے بنے جب کہ آسٹریلوی کپتان ٹرافی ہاتھ میں تھامے انہیں واپس جاتے ہوئے حیرانی سے دیکھتے رہے۔

بھارتی وزیر اعظم کی جانب سے اس تضحیک آمیز رویے پر سوشل میڈیا صارفین نے انہیں تنقید کا نشانہ بنایا اور کئی صارفین نے معافی کا مطالبہ بھی کیا۔

کیا یہ ووڈیو درست حالات با رہی ہے؟؟

Advertisement

اگر درست ہے تو نریندرہ مودی کو معافی مانگنی چائیے!! pic.twitter.com/KvxoUbKasQ

— M Azhar Siddique (@AzharSiddique) November 19, 2023

صارفین کا یہ بھی کہنا تھا کہ نریندر مودی کی یہ حرکت بھارت کے لیے عالمی سطح پر شرمندگی کا باعث ہے اور ایک انتہا پسند شخص سے اس طرح کے رویے کی ہی توقع کی جاسکتی ہے۔

India proved itself to be the most disgraceful host! pic.twitter.com/Vb6h5JJA4d

Advertisement

— Wajahat Kazmi (@KazmiWajahat) November 19, 2023