قومی ٹیم کے کپتان بابراعظم نے واٹس ایپ چیٹ لیک پر ناراضگی کا اظہار کرتے ہوئے کہ مجھے خدشہ ہے کہ مستقبل میں حساس معاملات پر گفتگو بھی لیک ہوسکتی ہے۔ 

پاکستان کے سابق وکٹ کیپر بلے باز راشد لطیف کی جانب سے سرکاری ٹی وی پروگرام میں بابراعظم اور چیئرمین پی سی بی سے متعلق دعوؤں پر پاکستان کرکٹ بورڈ کی جانب سے بھی رد عمل سامنے آیا۔

راشد لطیف نے دعویٰ کیا تھا کہ بابراعظم میجنمنٹ کمیٹی کے سربراہ ذکا اشرف، سلمان نصیر اور عثمان واہلہ سمیت پی سی بی کی اہم شخصیات سے رابطہ کرنے کی کوشش کی لیکن 2 دن تک کوئی جواب نہیں ملا۔

نجی ٹی وی کے پروگرام میں ایک سپورٹس جرنلسٹ نے بابراعظم کی پی سی بی کے چیف آپریٹنگ افیسر سلمان نصیر کے درمیان ہونے والے گفتگو آن لائن دکھائی جس پر سابق کھلاڑیوں کی جانب سے شدید تنقید کی گئی۔

واٹس ایپ گفتگو میں پی سی بی کے چیف آپریٹنگ آفیسر سلمان نصیر نے بابراعظم سے پوچھا کیا آپ نے ذکا اشرف کو کال کی تھی اور انہیں نے کوئی جواب نہیں دیا جس پر بابراعظم نے جواب دیا کہ نہیں میں نے انہیں کوئی کال نہیں کی۔

سینئر عہدیدار اور بابراعظم کی نجی چینل پر واٹس ایپ چیٹ لیک ہونے پر پاکستان کرکٹ بورڈ (پی سی بی) اور کپتان کا ردعمل سامنے آگیا۔

مقامی میڈیا کی رپورٹس کے مطابق کپتان بابراعظم اس چیٹ لیک پر شدید ناراض ہیں اور انہیں خدشہ ہے کہ حساس معاملات پر ان کی نجی گفتگو مستقبل میں میڈیا پر لیک ہوسکتی ہے۔