وسیم اکرم نے ورلڈکپ میں بابر اعظم کی ناقص کارکردگی کی وجہ بتادی

ویب ڈیسک

13th Nov, 2023. 08:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وسیم اکرم نے ورلڈکپ میں بابر اعظم کی ناقص کارکردگی کی وجہ بتادی

سابق کپتان وسیم اکرم کا کہنا ہے کہ ورلڈکپ میں بابر اعظم کی کارکردگی ٹیم کے دباؤ کی وجہ سے متاثر ہوئی۔

مقامی اسپورٹس چینل پر گفتگو کرتے ہوئے سابق کپتان وسیم اکرم نے انکشاف کیا کہ بابر اعظم پر کپتانی کے دباؤ کا اثر ہوا جس کی وجہ سے وہ پرفارم کرنے میں ناکام رہے۔

یہ بھی پڑھیں: ورلڈکپ میں ناقص کارکردگی کے باوجود پاکستان ٹیم کو کروڑوں روپے ملیں گے

انہوں نے کہا کہ جب آپ بیٹنگ کرنے کریز پر آتے ہیں تو آپ کو کپتانی کے حوالے سے سوچ کو ایک طرف رکھنے کی ضرروت ہوتی ہے جب کہ کپتان ایشیاکپ سمیت ورلڈکپ میں بھی تناؤ کا شکار دکھائی دیے۔

ان کا بابر اعظم کو مشورہ دیتے ہوئے کہنا تھا ’’کپتانی کا دباؤ ہمیشہ رہے گا لیکن جب آپ کریز پر آئیں تو اپنی ساری توجہ رنز بنانے پر مرکوز رکھیں‘‘۔

یاد رہے کہ بابر اعظم کی قیادت میں پاکستان کرکٹ ٹیم ورلڈکپ میں بری طرح ناکام ہوکر آج وطن واپس پہنچ گئی ہے جب کہ قومی ٹیم کو لیگ کے 5 میچز میں شکست کا سامنا کرنا پڑا تھا۔

یہ بھی پڑھیں: سارو گنگولی نے ورلڈکپ میں بھارت کی کامیابی اور پاکستان کی ناکامی کی وجہ بتادی

یہ ورلڈکپ کی تاریخ میں پہلی بار ہوا ہے کہ قومی ٹیم کو لیگ کے 5 میچز میں شکست کا سامنا کرنا پڑا ہو جس میں 4 لگاتار شکست بھی شامل ہیں۔

واضح رہے کہ کپتان بابر اعظم بھی ورلڈکپ میں کوئی خاص کارکردگی کا مظاہرہ نہیں کرسکے جب کہ انہوں نے ٹورنامنٹ میں 40 کی ایوریج سے 282 رنز اسکور کیے تھے۔