توصیف احمد کی سربراہی میں قائم عبوری سلیکشن کمیٹی بھی تحلیل

زاہد فاروق ملک

14th Nov, 2023. 04:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

توصیف احمد کی سربراہی میں قائم عبوری سلیکشن کمیٹی بھی تحلیل

پاکستان کرکٹ بورڈ (پی سی بی) نے عبوری سلیکشن کمیٹی بھی تحلیل کردی ہے۔

پی سی بی نے توصیف احمد کی سربراہی میں قائم عبوری سلیکشن کمیٹی کو بھی تحلیل کردیا ہے جب کہ نئی سلیکشن کمیٹی تشکیل دینے کے لیے مشاورت جاری ہے اور قومی سلیکشن کمیٹی کا جلد اعلان متوقع ہے۔

دوسری جانب ورلڈ کپ میں قومی اسکواڈ کی مایوس کن کارکردگی پر چیئرمین پی سی بی مینجمنٹ کمیٹی ذکاء اشرف نے کپتان بابر اعظم کو کل بلا لیا ہے۔

یہ بھی پڑھیں: پاکستان کرکٹ ٹیم کے بولنگ کوچ مورنے مورکل مستعفی

ڈائریکٹر کرکٹ مکی آرتھر کی بھی ایک روز قبل بدھ کو دبئی سے لاہور آمد ہوگی، مکی آرتھر اور مینجر ریحان الحق بھی ذکاء اشرف سے ملاقات کرکے اپنی رپورٹس پیش کریں گے۔

سابق کرکٹرز سے مشاورت، کپتان بابر اعظم اور مکی آرتھر کی رپورٹس کی روشنی میں فیصلے کیے جائیں گے۔

میڈیا رپورٹس کے مطابق غیر ملکی کوچنگ اسٹاف کی مکمل چھٹی کا امکان ظاہر کیا جارہا ہے جب کہ پی سی بی نے ملکی کوچز کو ہی رکھنے پر اتفاق کیا ہے۔

یہ بھی پڑھیں: ورلڈکپ میں ناقص کارکردگی کے باوجود پاکستان ٹیم کو کروڑوں روپے ملیں گے

مکی آرتھر سمیت کوچ گرانٹ بریڈ برن اور بیٹنگ کوچ اینڈریو پوٹیک کی بھی چھٹی کا امکان ہے جب کہ سابق کپتانوں سے چیئرمین پی سی بی مینجمنٹ کمیٹی ذکا اشرف کی ملاقاتوں کا سلسلہ بھی شروع ہوگیا ہے۔