رکی پونٹنگ نے ڈیوڈ وارنر کے متبادل اوپنر کا نام بتادیا

ویب ڈیسک

30th Nov, 2023. 04:47 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

رکی پونٹنگ نے ڈیوڈ وارنر کے متبادل اوپنر کا نام بتادیا

سابق آسٹریلوی کھلاڑی رکی پونٹنگ نے کیمرون بینکروفٹ کو ڈیوڈ وارنر کا متبادل قرار دے دیا ہے۔

آسٹریلوی کھلاڑی ڈیوڈ وارنر نے رواں سال کے شروع میں اعلان کیا تھا کہ وہ پاکستان کے خلاف ٹیسٹ سیریز کے بعد ٹیسٹ فارمیٹ سے ریٹائر ہونے کا ارادہ رکھتے ہیں۔

یہ بھی پڑھیں: بابر اعظم جلد دنیا کے عظیم کھلاڑیوں میں شمار ہوں گے، رکی پونٹنگ

اعلان کے بعد آسٹریلوی ٹیم میں کئی کھلاڑیوں نے ان کی جگہ پر نظریں جمالیں تھیں جب کہ آئی سی سی ہال آف فیم میں شامل سابق آسٹریلوی کھلاڑی رکی پونٹنگ نے ڈیوڈ وارنر کے متبادل کا نام بتادیا ہے۔

رکی پونٹنگ کہتے ہیں ’’میرے خیال میں کیمرون بینکروفٹ ہی ڈیوڈ وارنر کے بہترین متبادل ہوسکتے ہیں کیونکہ پچھلے کچھ سالوں میں انہوں نے ڈومیسٹک سطح پر اچھا پرفارم کیا ہے‘‘۔

اگرچہ کیمرون بینکروفٹ 2019 سے اپنی ٹیم کے لیے نہیں کھیلے ہیں لیکن ڈومیسٹک میں انہوں نے چار سنچریاں اسکور کی ہیں اور وہ اس سیزن میں سب سے زیادہ رنز بنانے والے کھلاڑیوں میں شامل ہیں۔

یہ بھی پڑھیں: عثمان خواجہ نے پاکستان کی بیٹنگ لائن کو مضبوط قرار دے دیا

یاد رہے کہ پاکستان کے خلاف ٹیسٹ سیریز کا آغاز 14 دسمبر سے پرتھ میں ہورہا ہے جس کے بعد جنوری میں آسٹریلوی ٹیم ویسٹ انڈیز کے خلاف دو میچز کھیلے گی۔

واضح رہے کہ آسٹریلیا فی الحال آئی سی سی ورلڈ ٹیسٹ چیمپیئن شپ میں تیسرے نمبر پر موجود ہے جب کہ رواں سال کے شروع میں ہونے والی ایشز سیریز 2-2 سے برابر ہوگئی تھی۔