قومی فاسٹ بولر احسان اللہ کی انجری کے حوالے سے اہم خبر سامنے آگئی ہے۔

فاسٹ بولر احسان اللہ کہنی کے آپریشن کے بعد گیارہ ہفتے گزارتے ہوئے تیزی سے صحت یاب ہورہے ہیں۔ اس سے قبل ایک ڈاکٹر نے انگلینڈ سے آکر ستمبر کے پہلے ہفتے میں احسان اللہ کا آپریشن کیا تھا۔

آپریشن کے بعد احسان اللہ کی کہنی پر ایک کور (براس)  چڑھا دیا گیا تھا جو چار ہفتے رہا جس کے بعد ڈاکٹر اور فزیو روزانہ کی بنیاد پر نیشنل کرکٹ اکیڈمی میں احسان اللہ کا معائنہ کرتے رہے ہیں۔

احسان اللہ کی کہنی سے وہ کور (براس)  پانچویں ہفتے ہٹادیا گیا تھا جس کے بعد ان کا ری ہیبلیٹیشن شروع کردیا گیا ہے۔

خیال رہے کہ اکتوبر کے دوسرے ہفتے میں ان کا ایم آر آئی اسکین ہوا تھا جس سے پتہ چلا تھا کہ وہ ڈاکٹرز کی آپریشن کے بعد ظاہر کی گئی علامات کے مطابق وہ تیزی سے صحت یاب ہورہے ہیں۔

ڈاکٹرز پر امید ہیں کہ احسان اللہ اپنی ریکوری کے سولہ ہفتے مکمل ہونے کے بعد ٹریننگ شروع کرنے کے قابل ہوجائیں گے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں