راولپنڈی میں جاری قومی ٹیم کے تربیتی کیمپ کے پہلے دن پنڈی کرکٹ اسٹیڈیم میں کئی قابل ذکر لمحات دیکھنے کو ملے۔

آسٹریلیا کے خلاف 14 دسمبر 2023 سے شروع ہونے والی تین میچز کی ٹیسٹ سیریز کے لیے پاکستان کرکٹ ٹیم نے جمعرات کو پنڈی کرکٹ اسٹیڈیم میں اپنا تربیتی کیمپ شروع کردیا ہے۔

تربیتی کیمپ کے پہلے دن پنڈی کرکٹ اسٹیڈیم میں کئی قابل ذکر لمحات دیکھنے کو ملے جس میں سے ایک کی ویڈیو سوشل میڈیا پر وائرل ہورہی ہے۔

https://twitter.com/SharyOfficial/status/1727609755038793777?ref_src=twsrc%5Etfw%7Ctwcamp%5Etweetembed%7Ctwterm%5E1727609755038793777%7Ctwgr%5E2d76f43834eaba1abf76db1e1a70ce7b1e2d5632%7Ctwcon%5Es1_&ref_url=https%3A%2F%2Fcricketpakistan.com.pk%2Fen%2Fnews%2Fdetail%2Fbabar-calling-saud-chota-don

وائرل ویڈیو میں دیکھا جاسکتا ہے کہ پریکٹس کے دوران جب سعود شکیل کیچ پکڑتے ہیں تو بابر اعظم مسکراتے ہوئے انہیں ’’چھوٹا ڈان‘‘ کہہ کر پکارتے ہیں۔

علاوہ ازیں بابر اعظم پریکٹس کے دوران کافی خوشگوار مونڈ میں نظر آئے جب کہ انہیں مستیاں کرتے ہوئے بھی دیکھا گیا۔

اسٹار بلے باز نیٹ پریکٹس سیشن کے دوران اپنی بلے بازی کی مہارت کو نکھارنے پر توجہ مرکوز کرتے ہوئے بھی دکھائی دیے۔

ٹریننگ سیشن کے بعد پاکستان کے فاسٹ بولنگ کوچ عمر گل نے میڈیا سے گفتگو کی جس میں انہوں نے دورہ آسٹریلیا کے لیے اپنی تیاریوں پر روشنی ڈالی۔

انہوں نے بتایا ’’آج ہماری ٹریننگ کا پہلا دن تھا، آسٹریلوی کنڈیشنز اور پچز کو مدنظر رکھتے ہوئے ہم اپنی تیاری کررہے ہیں، ہماری ٹیم مینجمنٹ اور گراؤنڈز مین نے خاص طور پر وہاں کے حالات اور ضروریات کے مطابق یہاں پچز تیار کی ہیں‘‘۔

واضح رہے کہ پاکستان کرکٹ بورڈ (پی سی بی) نے تربیتی کیمپ میں مزید تین تیز فاسٹ بولرز کو شامل کیا ہے جن میں سمین گل، علی شفیق اور محمد علی شامل ہیں۔