پاکستان کرکٹ ٹیم کی سلیکشن کمیٹی کے رکن توصیف احمد کہتے ہیں کہ پرتھ ٹیسٹ میں قومی ٹیم کی پرفارمنس توقعات کے برعکس رہی ہیں۔

سابق کرکٹر توصیف احمد کا کہنا ہے کہ پرتھ ٹیسٹ میں اگر پانچویں دن تک جاتے تو صورت حال کچھ مختلف ہوتی لہذا پرتھ کی شکست سے سیکھنے کی ضرورت ہے۔

انہوں نے کہا کہ پرتھ ٹیسٹ کی شکست سے کچھ نا کچھ سیکھنے کو ضرور ملا ہوگا، آسٹریلوی کنڈیشن مشکل ہوتیں ہیں مگر وہاں نڈر ہوکر کھیلنا ہڑتا ہے۔

توصیف احمد کا کہنا تھا کہ دورہ نیوزی لینڈ کے لیے سینئر و جونیئر کمبی نیشن کی بنیاد پر ٹیم تشکیل دی ہے اور ڈومیسٹک کے ہر پرفارمرز کو موقع دیا گیا ہے۔

سابق کرکٹر کہتے ہیں کہ نوجوانوں کو موقع دیا جائے گا تو بینچ مضبوط ہوگی جب کہ وہاب ریاض اچھے انداز میں چیزوں کو لے کر آگے جارہے ہیں۔

سلیکشن کمیٹی کے رکن نے کہا کہ ماضی میں پی ایس ایل سے کھلاڑیوں کا انتخاب ہوا جس پر باتیں ہوئیں، ہم نے ٹی ٹوئنٹی فارمیٹ میں اچھا پرفارم کیا ہے اور کوشش یہی ہے کے تینوں فارمیٹ کو دیکھیں۔

انہوں نے مزید کہا کہ ابرار احمد کی انجری بہت زیادہ خطرناک نہیں جب کہ وہ یہاں سے مکمل فٹ گئے تھے۔

واضح رہے کہ پاکستان کو آسٹریلیا کے خلاف پرتھ ٹیسٹ میں 360 رنز سے عبرتناک شکست کا سامنا کرنا پڑا تھا جب کہ دوسرا ٹیسٹ میلبرن میں 26 سے 30 دسمبر تک کھیلا جائے گا۔