آسٹریلیا کے خلاف میلبرن میں شروع ہونے والے دوسرے ٹیسٹ سے قبل محمد یوسف نے بلے بازوں کو اہم ٹپس دے دیے۔
پاکستان اور آسٹریلیا کی ٹیموں کے درمیان تین ٹیسٹ میچز پر مشتمل سیریز جاری ہے جس کا دوسرا ٹیسٹ 26 سے 30 دسمبر تک میلبرن میں کھیلا جائے گا۔
اس سے قبل پرتھ میں کھیلے گئے پہلے ٹیسٹ میچ میں قومی ٹیم کو 360 رنز کے بڑے مارجن سے عبرتناک شکست کا سامنا کرنا پڑا تھا۔
یہ بھی پڑھیں: امید ہے آسٹریلیا کیخلاف دوسرے ٹیسٹ میں پرتھ والی غلطیاں نہیں دہرائیں گے، سعود شکیل
پرتھ ٹیسٹ میں قومی بلے باز عبداللہ شفیق نے پہلی اننگز میں 41 رنز اسکور کیے جب کہ دوسری اننگز میں وہ صرف 2 رنز ہی بناسکے جب کہ سعود شکیل نے پہلی اننگز میں 28 اور دوسری اننگز میں 24 رنز اسکور کیے تھے۔
پاکستان کے سابق بلے باز محمد یوسف نے دوسرے ٹیسٹ سے قبل ان کھلاڑیوں کے ساتھ اہم ٹپش شیئر کیے ہیں۔
ایک انٹرویو کے دوران محمد یوسف نے کہا ’’عبداللہ شفیق اور سعود شکیل پہلی بار آسٹریلیا گئے ہیں، آپ کو تکنیکی طور پر مضبوط ہونے کی ضرورت ہے‘‘۔
انہوں نے کہا ’’بہت سے کھلاڑی جدوجہد کررہے ہیں لیکن انہیں مضبوطی سے لڑنے، ٹھوس تکنیک برقرار رکھنے اور میدان میں صبر کے ساتھ کام کرنے کی ضرورت ہے‘‘۔
یہ بھی پڑھیں: خرم شہزاد آسٹریلیا کیخلاف ٹیسٹ سیریز سے باہر
انہوں نے بلے بازوں کو مشورہ دیتے ہوئے کہا ’’اگر ضروری ہو تو وکٹ کو کنڈیشنز کے مطابق ڈھالیں اور دیکھیں کہ بولر کیسی بولنگ کررہا ہے‘‘۔
ان کا کہنا تھا ’’کھیل کے حالات کا جائزہ لینا چاہیے اور اسی تشخیص کی بنیاد پر فیصلہ کرنا چاہیے کہ جارحانہ کھیل موزوں ہے یا نہیں، اگر کھیل کی نوعیت اور حالات جارحانہ کھیل کے لیے موزوں نہ ہوں تو پھر جارحانہ انداز اپنا مشکل ہوجاتا ہے‘‘۔
واضح رہے کہ محمد یوسف نے حال ہی میں انڈر 19 ایشیاکپ کے دوران پاکستان انڈر 19 ٹیم کے ہیڈکوچ کے طور پر خدمات انجام دیں ہیں جب کہ ٹیم کو سیمی فائنل میں شکست کا سامنا کرنا کرنا پڑا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News