ابرار کی انجری، میڈیکل رپورٹ میں لاپرواہی کا انکشاف

ویب ڈیسک

07th Jan, 2024. 01:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ابرار کی انجری، میڈیکل رپورٹ میں لاپرواہی کا انکشاف

ابرار احمد کی میڈیکل رپورٹ میں ڈاکٹرز کی ہدایت کو نظر انداز کرنے کا انکشاف ہوا ہے۔

پاکستان کرکٹ ٹیم کے مسٹری اسپنر ابرار احمد کی میڈیکل رپورٹ منظر عام پر آگئی ہے جس میں ان کی جانب سے لاپرواہی برتنے اور ڈاکٹرز کی ہدایت کو نظر انداز کرنے کا انکشاف ہوا ہے۔

میڈیکل رپورٹ میں کہا گیا ہے ابرار احمد عرق النسا یعنی (شیاٹک) کی بیماری کا شکار ہیں جس کی وجہ سے ٹانگوں میں درد اور جھنجھناہٹ محسوس کرتے ہیں۔

یاد رہے کہ مسٹری اسپنر کو آئی سی سی ورلڈکپ کے دوران پہلی بار اپنے دائیں کولہے میں تکلیف ہوئی تھی جس کے باعث ان کا فوری ٹیسٹ کروایا گیا تھا۔

یہ بھی پڑھیں: ابرار احمد نیوزی لینڈ کے خلاف ٹی ٹوئنٹی سیریز سے بھی باہر

میڈیکل پینل کی جانب سے ابرار احمد کی بیماری کے خاتمے کے لئے پلان ترتیب دیا گیا تھا جس پر انہوں نے لاپرواہی کی اور ڈاکٹرز کی ہدایت کو نظر انداز کردیا۔

رپورٹ میں کہا گیا ہے کہ ورلڈکپ کے دوران ٹیم مینجمنٹ نے انہیں ایک بار پھر ہدایات پر عمل کرنے کو کہا تھا لیکن بدقسمتی سے انہوں نے بتائی گئی ہدایات پر پھر سے مکمل عمل نہیں کیا۔

واضح رہے کہ ابرار احمد پہلے آسٹریلیا کے خلاف ٹیسٹ سیریز سے باہر ہوئے جس کے بعد اب وہ دورہ نیوزی لینڈ سے بھی باہر ہوچکے ہیں جب کہ اِن دنوں وہ نیشنل کرکٹ اکیڈمی میں اپنی انجری پر قابو پانے کی کوشش کررہے ہیں۔