ملتان: انگلینڈ کے خلاف پاکستان نے پہلی اننگز میں 556 رنز کا پہاڑ کھڑا کردیا۔

پاکستان اور انگلینڈ کی ٹیموں کے درمیان ٹیسٹ سیریز کا پہلا میچ ملتان کرکٹ اسٹیڈیم میں جاری ہے جس میں پاکستان نے ٹاس جیت کر پہلے بیٹنگ کا فیصلہ کیا۔

قومی ٹیم کھیل کے دوسرے دن 556 رنز بناکر آل آؤٹ ہوگئی ہے جب کہ سلمان علی آغا 104 رنز کے ساتھ ناٹ آؤٹ رہے۔

کپتان شان مسعود نے 151 رنز کی شاندار اننگز کھیلی جب کہ اوپنر عبداللہ شفیق 102 رنز بناکر پویلین لوٹے، سعود شکیل 82، نسیم شاہ 33 اور بابر اعظم 30 بناکر آؤٹ ہوئے۔

علاوہ ازیں صائن ایوب 4، محمد رضوان صفر، عامر جمال 7، ابرار احمد 3 اور شاہین آفریدی نے 26 رنز کی اننگز کھیلی۔

انگلینڈ کی جانب سے جیک لیچ نے 3 کھلاڑیوں کو آؤٹ کیا، گس اٹکنسن، برائیڈن کارس کے حصے میں 2،2 وکٹیں آئیں جبکہ شعیب بشیر اور جو روٹ نے ایک ایک کھلاڑی کو آؤٹ کیا۔

واضح رہے کہ ملتان میں اب تک دونوں ٹیمیں ایک دوسرے کے خلاف ایک ایک ٹیسٹ جیت چکی ہیں جب کہ دوسرا ٹیسٹ بھی ملتان ہی میں شیڈول ہے۔

پاکستان پلیئنگ الیون

کپتان شان مسعود، نائب کپتان سعود شکیل، صائم ایوب، عبداللہ شفیق، بابر اعظم، محمد رضوان (وکٹ کیپر)، سلمان علی آغا، عامر جمال، شاہین شاہ آفریدی، نسیم شاہ اور ابرار احمد۔

انگلینڈ پلیئنگ الیون

کپتان اولی پوپ، جیمی اسمتھ (وکٹ کیپر)، زیک کرالے، بین ڈکٹ، جو روٹ، ہیری بروک، کرس ووکس، گس ایٹکنسن، بریڈن کرس (ڈیبیو)، جیک لیچ اور شعیب بشیر۔