دورہ آسٹریلیا اور زمبابوے کے لیے پاکستانی اسکواڈ کا اعلان

ویب ڈیسک

27th Oct, 2024. 01:42 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دورہ آسٹریلیا اور زمبابوے کے لیے پاکستانی اسکواڈ کا اعلان

پاکستان کرکٹ بورڈ نے دورہ آسٹریلیا اور زمبابوے کے لیے پاکستانی کرکٹ اسکواڈ کا اعلان کر دیا ہے۔

پی سی بی چیئرمین محسن نقوی وائٹ بال کپتان کا اعلان آج سہ پہرساڑھے تین بجے لاہور میں میڈیا کانفرنس میں کریں گے۔

پاکستان کرکٹ بورڈ کی جانب سے جاری اعلامیے کے مطابق بابراعظم، نسیم شاہ، اور شاہین شاہ آفریدی آسٹریلیا کے میچوں کے لیے ٹیم میں شامل ہیں تاہم انہیں دورہ زمبابوے کے لیے آرام دیا جائے گا۔

سلیکٹرز نے آئی سی سی چیمپئنز ٹرافی کے دفاع کے لیے اپنی حکمت عملی کے حصے کے طور پر دونوں دوروں میں ڈومیسٹک کرکٹ پرفارمرز کو بھی اسکواڈ میں شامل کیا ہے۔

زمبابوے کے دورے کے لیے ڈومیسٹک کرکٹ کے پرفارمرز کو زیادہ اہمیت دی گئی ہے، پاکستانی ٹیم آسٹریلیا میں تین ون ڈے اور تین ٹی ٹوئنٹی انٹرنیشنل کھیلے گی، جبکہ دورہ زمبابوے میں بھی تین ون ڈے اور تین ٹی ٹوئنٹی انٹرنیشنل کھیلے جائیں گے۔

محمد رضوان آسٹریلیا کے تمام میچز اور زمبابوے میں ون ڈے میچوں میں دستیاب ہوں گے۔