لاہور: پاکستان سپر لیگ (پی ایس ایل) سیزن 10 کے 16 ویں میچ میں لاہور قلندرز نے ملتان سلطانز کو 5 وکٹوں سے شکست دیدی۔

186رنزکے تعاقب میں لاہور قلندرز نے ابتدا سے ہی تیزی سے ہدف کاتعاقب کیا،ڈیری مچلز اور سکندررضا کی جارحانہ بیٹنگ کے بدولت لاہور قلندر نے 6 گیندوں قبل ہی ہدف حاصل کرلیا۔

19ویں اوور میں ڈیری مچلز38 بالز پر 64 رنزبنا کرعاقف جاوید کاشکار ہوئے جبکہ سکندررضا نے 40 رنز کی ناقابل شکست اننگز کھیلی، دیگر کھلاڑیوں میں عبداللہ شفیق 34، فخر زمان 28 اور محمد نعیم 6 رنزبناسکے ۔

ملتان سلطانز کے جوش لٹل نے ایک،حسنین نے ایک ،عاقف جاوید نے ایک جبکہ عبید شاہ نے 2 کھلاڑیوں کو پویلین واپس بھیجا۔

قبل ازیں لاہورقلندرز نے ٹاس جیت کرفیلڈنگ کا فیصلہ کیا تھا جس کے بعد ملتان سلطانز نے پہلے بیٹنگ کرتے ہوئے مقررہ 20 اوورز میں 3 وکٹوں کے نقصان پر 185 رنزبنائے ۔ کپتان محمدرضوان 76 رنز کی ناٹ آؤٹ اننگز کے ساتھ نمایاں بلے باز رہے جب کہ کامران غلام نے 52 رنز بنائے۔

علاوہ ازیں یاسر خان 24، عثمان خان 18 اور شائے ہوپ 9 رنز بناکر آؤٹ ہوئے جب کہ لاہور قلندرز کی جانب سے ٹوم کرن، حارث رؤف اور ڈیرل مچل نے ایک ایک کھلاڑی کو آؤٹ کیا۔

لاہور قلندرز کی ٹیم میں 2 تبدیلیاں کی گئیں ارشاد حسین اور محمد عازب کی جگہ ٹام کرن اور محمد نعیم ٹیم میں شامل کیا گیا تھا۔

ملتان سلطانزکی ٹیم میں 3 تبدیلیاں کی گئیں۔ کرس جارڈن، طیب طاہر اور اسامہ میر ملتان کو ڈراپ کرکے عاکف جاوید، محمد حسنین اور شائے ہوپ کی ٹیم میں شامل کیاگیا۔

لاہور قلندرز پلیئنگ الیون:
کپتان شاہین آفریدی، فخر زمان، محمد نعیم، عبداللہ شفیق ، ڈیرل مچل ، سیم بلنگ (وکٹ کیپر)، سکندر رضا، آصف علی، ٹوم کرن ،حارث رؤف اور آصف آفریدی۔

ملتان سلطانز پلیئنگ الیون: