انگلینڈ کرکٹ ٹیم کے فاسٹ باؤلر جوفرا آرچر کو بھارت کے خلاف دوسرے ٹیسٹ میچ کے لیے قومی اسکواڈ میں شامل کر لیا گیا ہے۔

انگلینڈ اینڈ ویلز کرکٹ بورڈ (ECB) کے مطابق، دوسرا ٹیسٹ میچ 2 جولائی سے ایجبسٹن، برمنگھم میں شروع ہوگا۔

30 سالہ جوفرا آرچر تقریباً تین سال بعد ٹیسٹ اسکواڈ کا حصہ بنے ہیں۔ وہ آخری بار 2021 میں بھارت کے دورے کے دوران ٹیسٹ میچ میں نظر آئے تھے۔ اس کے بعد وہ کہنی کی مسلسل انجری اور کمر کی چوٹ کے باعث میدان سے دور رہے۔

آرچر نے حال ہی میں سسیکس کی جانب سے کاؤنٹی چیمپئن شپ میں چار سال بعد فرسٹ کلاس کرکٹ میں شرکت کی، جو ان کی فٹنس کی بحالی کی جانب ایک اہم قدم تصور کی جا رہی ہے۔

https://x.com/englandcricket/status/1938196877851459875?ref_src=twsrc%5Etfw%7Ctwcamp%5Etweetembed%7Ctwterm%5E1938196877851459875%7Ctwgr%5Eb2a0fb755b815028b2e24fba030bd3dcaf72f332%7Ctwcon%5Es1_&ref_url=https%3A%2F%2Fwww.aljazeera.com%2Fsports%2F2025%2F6%2F26%2Fjofra-archer-returns-to-england-squad-for-second-test-against-india

انگلینڈ کے لیے ان کی آخری انٹرنیشنل نمائندگی مارچ میں جنوبی افریقہ کے خلاف ایک روزہ میچ میں ہوئی تھی، جو آئی سی سی چیمپئنز ٹرافی کے دوران پاکستان میں کھیلا گیا تھا۔

بھارت کے خلاف پہلے ٹیسٹ میں شاندار پانچ وکٹوں سے کامیابی حاصل کرنے والی انگلش ٹیم میں جوفرا آرچر کی شمولیت واحد تبدیلی ہے، سیریز میں انگلینڈ کو 1-0 کی برتری حاصل ہے۔

انگلینڈ اسکواڈ:

بین اسٹوکس (کپتان)، جوفرا آرچر، شعیب بشیر، جیکب بیتھل، ہیری بروک، برائیڈن کارس، سیم کُک، زیک کراؤلی، بین ڈَکیٹ، جیمی اوورٹن، اولی پوپ، جو روٹ، جیمی اسمتھ، جوش ٹنگ، کرس ووکس۔