پاکستان نے ایشین انڈر 16 والی بال چیمپئن شپ جیت لی

ویب ڈیسک

19th Jul, 2025. 07:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان نے ایشین انڈر 16 والی بال چیمپئن شپ جیت لی

پاکستان نے دفاعی چیمپئن ایران کو شکست دے کر ایشین انڈر 16 والی بال میں تاریخ رقم کردی۔

پاکستان نے ایشین انڈر 16 والی بال چیمپئن شپ 2025 کا ٹائٹل اپنے نام کرلیا ہے۔ فائنل میں گرین شرٹس نے دفاعی چیمپئن ایران کو سنسنی خیز مقابلے کے بعد 2-3 سے شکست دے کر نہ صرف چیمپئن شپ جیتی بلکہ ایک نئی تاریخ بھی رقم کی۔

فائنل میچ میں ایران نے پہلا اور دوسرا سیٹ جیت کر برتری حاصل کی مگر پاکستانی نوجوانوں نے ہمت نہ ہاری اور شاندار کم بیک کرتے ہوئے اگلے تینوں سیٹس اپنے نام کیے۔

جنید اور فیضان اللہ کا شاندار کھیل

پاکستان کی فتح میں محمد جنید اور فیضان اللہ نے نمایاں کردار ادا کیا۔ دونوں کھلاڑیوں نے ناقابل یقین انداز میں کھیلتے ہوئے ایران کی مضبوط ٹیم کے خلاف اہم پوائنٹس حاصل کیے۔

یہ بھی پڑھیں: ایشین انڈر-16 والی بال چیمپئن شپ: پاکستان نے سیمی فائنل میں جگہ بنالی

تاریخی کامیابی، روشن مستقبل

پاکستان نے ابتدائی دو سیٹس ہارنے کے باوجود مسلسل تین سیٹس جیت کر اپنی صلاحیتوں کا لوہا منوایا۔ اس تاریخی فتح سے نہ صرف پاکستان کو ایشین انڈر 16 چیمپئن شپ کا ٹائٹل ملا بلکہ نوجوان کھلاڑیوں کے حوصلے بھی بلند ہوئے۔

واضح رہے کہ ایران جیسی مضبوط ٹیم کے خلاف یہ کامیابی پاکستان کی والی بال میں بڑھتی ہوئی مہارت اور مستقل محنت کا ثبوت ہے۔