ویسٹ انڈیز نے پاکستان کو دوسرے ٹی 20 میچ میں سنسنی خیز مقابلے کے بعد 2 وکٹوں سے شکست دے دی، تاہم اس کامیابی کے ساتھ ہی تین میچوں کی سیریز 1-1 سے برابر ہو گئی ہے۔
پاکستان نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 134 رنز کا ہدف ویسٹ انڈیز کو دیا۔
قومی ٹیم کی جانب سے حسن نواز نے سب سے زیادہ 40 رنز بنائے، کپتان سلمان علی آغا نے 38 رنز کی اننگز کھیلی جبکہ فخر زمان نے 20 رنز اسکور کیے۔
ویسٹ انڈیز کی جانب سے جیسن ہولڈر نے شاندار بولنگ کرتے ہوئے 4 اوورز میں 19 رنز کے عوض 4 وکٹیں حاصل کیں جبکہ گودا کیش موتی نے بھی اچھی کارکردگی دکھائی اور 39 رنز دے کر دو کھلاڑیوں کو آؤٹ کیا۔
Advertisement
جواب میں ویسٹ انڈیز نے ہدف کا تعاقب آخری گیند پر مکمل کیا، جیسن ہولڈر نے آخری گیند پر چوکا لگا کر ٹیم کو فتح دلائی۔
گودا کیش موتی 28 رنز بنا کر نمایاں رہے جبکہ کپتان شائی ہوپ نے 21، روسٹن چیز اور جیسن ہولڈر نے 16، 16 رنز کی اہم اننگز کھیلیں۔
Advertisement
میچ کا اختتام انتہائی سنسنی خیز انداز میں ہوا اور دونوں ٹیموں کے درمیان اب فیصلہ کن تیسرا ٹی 20 میچ مزید دلچسپ ہونے کی توقع ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
