بھارت میں جاری ورلڈکپ 2023 میں پاکستانی صحافیوں کو ویزے نہ دینے پر بھارتی صحافی بھی حکومت کے خلاف بول پڑے۔

تفصیلات کے مطابق  بھارت کے ممتاز صحافی راج دیپ سردسائی نے پاکستانی صحافیوں کو ویزے نہ دینے پر    مودی سرکار کو آئینہ دکھا دیا۔

راج دیپ سردسائی نے کہا سن کر مایوسی ہوئی کہ پاکستانی کرکٹ صحافیوں کو اب تک ویزے نہیں دیے گئے۔

انہوں نے کہا کہ  صحافیوں کو سیاسی الجھنوں میں کیوں پھنسایا جارہا ہے۔جب پاکستان ٹیم ورلڈ کپ کا حصہ ہے تو میزبان بھارت ویزے دینے سے انکار نہیں کرسکتا۔

معروف بھارتی صحافی  کا مزید کہنا تھا کہ  بطور میزبان بھارت پاکستانی صحافیوں کو ویزا دینے سے انکار نہیں کر سکتا۔  خدشہ ہے اسلام آباد مستقبل میں بھی اسی طرح کا بدلہ لے گا۔

راج دیپ  نے بھارتی حکومت کو مشورہ دیتے ہوئے کہا کہ  آئیے حقیقی بھارتی انداز میں اچھے میزبان بنیں۔

واضح رہے کہ ایونٹ کا آغاز ہوئے آج پانچواں روز ہے اور  بھارتی حکومت کی جانب سے پاکستانی شائقین کرکٹ اور صحافیوں کو  تاحال ویزے جاری نہیں کیے گئے۔

بھارت کی جانب سے قومی کرکٹ ٹیم کے ویزوں کے معاملے میں بھی ہٹ دھرمی دکھائی گئی تھی اور ویزے تاخیر سے جاری کیے گئے تھے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں