نیوزی لینڈ  کے خلاف ٹی ٹوئنٹی سیریز میں بابر اعظم  اور محمد رضوان کو آرام دینے پر غور  کیا جارہا ہے۔

ذرائع کے مطابق  سلیکشن کمیٹی اجلاس  میں دورہ نیوزی لینڈ میں سابق کپتان بابر اعظم  اور محمد رضوان کو آرام دینے پر غور  کیا گیا۔

ذرائع کا کہنا ہے کہ سلیکشن کمیٹی سابق کپتان بابر اعظم کو ریسٹ دینا چاہتی ہے جبکہ  ٹیم ڈائریکٹر محمد حفیظ  نے بابر اعظم کو نیوزی لینڈ ساتھ لے جانے کی تجویز  پیش کی۔

ذرائع کا مزید کہنا ہے کہ سلیکشن کمیٹی محمد رضوان کو  بھی آرام دے کر اعظم خان کو کھلانا چاہتی تھی تاہم  محمد حفیظ نے رضوان  اور اعظم خان کو ساتھ   لے جانے کی تجویز دی۔

ذرائع کے مطابق  شاداب خان کی مسلسل خراب پرفارمنس پر انہیں ٹیم سے ڈراپ  کیے جانے کا امکان  ہے۔ان کی جگہ  ابرار احمد کو اسپن اٹیک میں اسامہ میر اور محمد نواز  کے ساتھ شامل کرنے کا فیصلہ کیا گیا ہے۔

واضح رہے کہ پاکستان کو نیوزی لینڈ کے خلاف آئندہ برس 12 جنوری سے 21 جنوری تک  پانچ ٹی ٹوئنٹی میچز کی سیریز کھیلنی ہے۔