چین میں روبوٹس کی نمائش

عمر اللہ حسینی

25th Aug, 2019. 09:30 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چین میں روبوٹس کی نمائش

چین میں جدید ترین اور حیرت انگیز روبوٹس کی نمائش جاری ہے جس میں دنیا بھر سے حیرت انگیز روبوٹس پیش کیے گئے ہیں۔

غیر ملکی خبر رساں ادارے کے مطابق چین کے شہر بیجنگ میں پانچواں بین الاقوامی روبوٹ نمائش کا آج آخری روز ہے ، نمائش میں روبوٹ اور مصنوعی ذہانت کے کئی موضوعات پرایک کانفرنس بھی منعقد کی گئی ہے جس میں دنیا بھر کے بہترین دماغ اپنی تحقیقات پیش کررہے ہیں۔

مجموعی طور پر 22 ممالک کے 4500 ماہرین نے اس نمائش میں اپنی اپنی تخلیقات پیش کی ہیں۔

ان میں تیرنے، اڑنے، دوڑنے، چلنے، گھریلو امور انجام دینے والے اور دیگر تفریحی روبوٹ بھی موجود ہیں۔

ان میں جرمن کمپنی فیسٹو کا بنایا ہوا ایک پرندہ روبوٹ بھی رکھا گیا ہے جس نے گزشتہ کئی برس سے دنیا میں اپنی پرواز کی دھوم مچارکھی ہے۔ یہ روبوٹ ہوبہو پرندے کی طرح اپنے پر پھڑپھڑاتا ہے اور اسے کئی کاموں کےلیے استعمال کیا جاسکتا ہے۔

ایک اور دلچسپ گری بینڈ ہے جو ایک ایسا روبوٹ ہے جو پیانو بجاتا ہے اور مشہور دھنیں چھیڑ کر لوگوں کو مبہوت کرسکتا ہے۔

بین الاقوامی روبوٹ فیسٹیول 20 اگست سے شروع ہوا تھا۔