واٹس ایپ نے ایک نیا فیچر متعارف کروایا ہے جس کے ذریعہ صارفین کو گروپس کے حوالے سے زیادہ کنٹرول مل جائے گا۔

تفصیلات کے مطابق واٹس ایپ کی جانب سے متعارف کرائے گئے اس فیچر سے صارفین کو گروپس کے حوالے سے زیادہ کنٹرول مل جائے گا، اس فیچرکی بدولت صارفین کو ان کی مرضی کے بغیر کسی گروپ میں شامل کرنا ممکن نہیں ہوگا۔

اس فیچر پر گزشتہ سال سے کام ہورہا تھا اور رواں سال اپریل میں اسے متعارف بھی کرایا گیا مگر یہ صرف بھارت میں ہی لوگوں کو دستیاب تھا۔

اب اسے عالمی سطح پر تمام صارفین کے لیے متعارف کرایا گیا ہے اور یہ کہنا غلط نہیں ہوگا کہ اس سے لوگوں کو ریلیف تو ملے گا ہی اس کے ساتھ اسپام میسجز میں کمی لانے میں بھی مدد مل سکے گی۔

اس فیچر کے لیے واٹس ایپ کے پرائیویسی سیکشن میں گروپس کا اضافہ کیا گیا ہے، یہ فیچر استعمال کرنے کے لیے کے لیے واٹس ایپ اوپن کرکے اوپر دائیں جانب تھری ڈاٹ مینیو پر کلک کرکے سیٹنگز مینیو میں جاکر اکاﺅنٹ کو سلیکٹ کریں اور وہاں پرائیویسی اور پھر گروپس کے آپشن میں جائیں۔

گروپس کے آپشن میں آپ کے سامنے 3 آپشن ہوں گے ، ایوری ون، مائی کانٹیکٹس اور مائی کانٹیکٹ ایکسیپٹ میں  سے ایوری ون کو منتخب کرنے کا مطلب ہوگا کہ صارف کو کوئی بھی واٹس ایپ گروپ میں ایڈ کرسکتا ہے۔

علاوہ ازیں مائی کانٹیکٹس نامی آپشن سے اس صارف کے کانٹیکٹس میں شامل افراد اسے کسی گروپ کا حصہ بناسکیں گے، جبکہ مائی کانٹیکٹس ایکسیپٹ سے آپ مخصوص افراد کو بلیک لسٹ کرسکیں گے جو آپ کو مختلف گروپس میں شامل کرتے ہوں۔