90 کی دہای میں رابطے کا ذریعے ایس ایم ایس اپنی منزل کے اختتام تک پہنچ گیا ہے۔

تفصیلات کے مطابق جدید دور میں ایس ایم ایس کی قدروقیمت میں کمی واقع یوئی ہیں، اب اس کی جگہ واٹس ایپ اور فیس بک میسنجر نے حاصل کر لی ہے۔

ذرائع کے مطابق گوگل نے رابطے کے ان دونوں کو پیچھے چھوڑنے کے لیے کوششیں تیز کردی ہیں ،گوگل کی جانب سے اینڈرائیڈ صارفین کے لیے ایس ایم ایس کو ختم کرکے ایپل کے آئی میسج جیسے فیچر کو متعارف کرانے کے حوالے سے مزید پیشرفت ہوئی ہے۔

گوگل کے اس نئے فیچر کی سہولت کا فائدہ فلحال تمام امریکہ کے رہائشی اُٹھا رہے ہیں، جس میں جدید چیٹ فیچرز جیسے ریڈ رسیپٹ، ٹائپنگ انڈیکٹر اور گروپ و فوٹو میسجز کی بہتر سپورٹ شامل ہے۔

اس سے قبل آر سی ایس کو گوگل نے رواں سال سب سے پہلے برطانیہ اور فرانس میں متعارف کرایا تھا ۔

یاد رہے کہ ایس ایم ایس کو 27 برس مکمل ہوگئے ہیں اور دنیا کا پہلا یہ مختصر وقت میں پیغام پہچانے کا  زریعہ تھا جو سب سے پہلے  3 دسمبر 1992 کو بھیجا گیا تھا۔

گوگل نے اپنے صارفین کی سیکیورٹی کے لیے نیا فیچر متعارف کرادیا

گوگل کی جانب سے نومبر میں اعلان کیا گیا تھا کہ وہ اپنی میسجز ایپ کو رچ کمیونیکشن سروسز (آر سی ایس) سے اپ ڈیٹ کررہا ہے، جس پر 2016 سے کام کیا جارہا تھا۔

 گوگل نے دنیا بھر کے موبائل آپریٹرز اور اسمارٹ فون بنانے والی کمپنیوں سے اشتراک کیا لیکن فلحال صارفین تک اس کی رسائی موبائل آپریٹرز کی سستی کی وجہ سے تاحال ممکن نہیں ہوسکی۔

آر سی ایس اینڈرائیڈ میں ایس ایم ایس یا شارٹ میسج سروس کی جگہ لے گا جس کو 25 سال سے زائد عرصہ ہوچکا ہے جبکہ صارفین اس پر وائی فائی پر چیٹ، ہائی ریزولوشن تصاویر اور ویڈیوز بھیجنے اور موصول کرنے کی سہولت، ریڈ رسیپٹ، ٹائپنگ انڈیکٹرز گروپ چیٹ اور گروپ چیٹس میں لوگوں کو ایڈ یا نکالنے جیسے فیچرز استعمال کرسکیں گے۔

آر سی ایس کو اینڈرائیڈ میسجز ایپ اوپن کرکے ٹرن آن کیا جاسکتا ہے اور مختلف نئے چیٹ فیچرز سامنے آجائیں گے ، اگر آپ کے جاننے والے کے پاس بھی یہ سسٹم ان ایبل ہو تو ٹیکسٹ میسجز خودکار طور پر نئے پروٹوکول استعمال کرنے لگیں گے۔

واضح رہے کہ مگر آئی او ایس اور اینڈرائیڈ صارفین ایک دوسرے کو اس سے پیغامات نہیں بھیج سکیں گے اور انہین پرانے ایس ایم ایس کا سہارا ہی لینا ہوگا۔