گوگل نےجہاں اس  دور میں لوگوں کے لئے آسانیاں  پید اکی ہیں وہیں اب افراد کے لئے سفر ،انجان راستوں  اور منزل تک باآسانی پہنچنااب آسان بنادیاہے ۔

منزلوں تک  پہنچنا اب  گوگل میپس  کےزریعےآسان  ہوگیاہے ۔ یہی  وجہ ہےکہ  گوگل کی جانب سے اس مقبول نیوی گیشن ایپ میں اکثر نئے فیچرز کا اضافہ کیا جاتا ہے۔

گوگل کی جانب سے میپس میں’’لائٹنگ لیئر‘‘نامی فیچر متعارف کرایا جارہا ہےجوفی الحال بیٹا ورژن میں موجود ہے۔

اس فیچر کا مقصد صارفین کو ان کےمطلوبہ راستے کی روشن گلیوں یاسڑکوں سےآگاہ کرنا ہے۔

اینڈرائیڈ پولیس کی رپورٹ کے مطابق ایسا ہی ایک نیا فیچر گوگل کی جانب سے متعارف کرایاجارہا ہےجودوران سفر صارفین کو مخصوص حالات میں تحفظ فراہم کرسکے گا۔

یہ نیا فیچر رات میں ڈرائیونگ کرنے والے افراد کے لیے مددگار ثابت ہوسکے گایااگر کسی نئی جگہ جارہے ہیں اوررات کو تاریک گلیوں میں جانے سے بچنا چاہتے ہیں، تاکہ ڈاکوؤں کا شکار نہ ہوسکیں تو بھی اس سے مدد لے سکیں گے۔

یہ واضح نہیں کہ گوگل کسی شہر کی گلیوں میں روشنی کی صورتحال کی معلومات کیسے جمع کرے گا کیونکہ پاکستان اور بھارت جیسے ممالک میں اسمارٹ اسٹریٹ لائٹس کا استعمال تاحال نہ ہونے کے برابر ہے۔

تاہم ممکنہ  طورپریہ ڈیٹا صارفین سے ہی حاصل کیاجائےگاجیسا گوگل کی جانب سےٹریفک انسیڈنٹس میں کیا گیا۔

یہ فیچرممکنہ طورپرسب سے پہلے بھارت میں متعارف کرایاجارہاہےجہاں خواتین کےریپ اوران پرحملے بہت زیادہ ہوتے ہیں۔