سیاحوں اور پردیس میں رہنےوالوں کے لئے گوگل نےایک اور ایپ  متعارف کرادی ہےجس کےزریعےکسی  بھی جگہ پر ان کی علاقائی زبان میں بات کرسکتےہیں۔

 جی ہاں اگر آپ کسی اجنبی شہر میں موجود ہیں اورآپ کووہاں کی زبان  نہیں آتی ہےتواپناموبائل نکالیں اور’’گوگل انٹرپریٹر‘‘کابٹن دبائیں اور اپنی بات ان تک باآسانی پہنچائیں ۔

’گوگل انٹرپریٹر‘ نامی  سروس گوگل نے اسمارٹ فون کے لیے پیش کی ہے جو اس سے قبل اسمارٹ اسپیکر اور ڈسپلے کے لیے پیش کی گئی تھی۔

گوگل  انٹرپریٹر سروس اب شروع ہوچکی ہےاوربیک وقت اینڈروئیڈ اورآئی اوایس فون کے لیے پیش کی جارہی ہے۔

اسے چلانے کے لیے گوگل اسسٹنٹ سے صرف اتنا کہیے: ’’ہے گوگل بی مائی جرمن ٹرانسلیٹر‘  (گوگل میرے جرمن مترجم بن جاؤ)، اور گوگل انگریزی سے جرمن ترجمہ کرنے لگے گا۔

 اس کےلیے انگریزی میں جملہ کہیں اور گوگل اسے جرمن زبان میں ترجمہ کرکے اسپیکر سے آواز کے ذریعے ظاہر کرے گا۔

اس ایپ میں ترجمےکے ساتھ  ساتھ ،گوگل اسسٹنٹ سمارٹ جوابات پیش اورتجاویزدے گاجس کےزریعےآپ بغیر لمبی گفتگو کئے جلدی  اورمختصرجواب دے سکیں گےجس سےآپ کی گفتگوتیز اورہموارہوگی ۔

اسی  طرح کل 44 زبانوں میں ایک دوسرے کا ترجمہ کیا جاسکتا ہے جن میں عربی، چیک، ولندیزی، فرانسیسی، جرمن، یونانی، اردو (ہندی)، اطالوی، انڈونیشیائی، کوریائی، منڈارین، تھائی، ہسپانوی، یوکرینی اور دیگر زبانیں شامل ہیں۔