چینی موبائل کمپنی ہواوےکےنئےاسمارٹ فون کے مارکیٹ میں آنےسےقبل تصاویرلیک ہوگئیں۔

چینی موبائل کمپنی ہواوےکے نئےآنے والے متوقع اسمارٹ فون پی 40 کی تصاویرقبل ازوقت سامنے آگئیں۔

ٹیکنالوجی پرنظررکھنےوالی ویب سائٹ کےمطابق ہواوے کےنئےاسمارٹ فون میں مجموعی طور پر 7 کیمرے ہوں گے جن میں سے پانچ پشت پر اوردو فرنٹ پر ہیں۔

سامنےآنے والی غیرمصدقہ اطلاعات کےمطابق پشت پرلگائے جانےوالے کیمرے اب تک کے سب سے جاندار کیمرے ہیں جبکہ سیلفی کیمرے بھی پہلے سے بہتر پیش کیے جائیں گے۔ کمپنی کی جانب سے پی 40 متعارف کرانے کی تاریخ کا حتمی اعلان نہیں کیا گیا۔

 ماہرین کامانناہےکہ ہواوے کا نیا فون سام سنگ اور آئی فون کے لیے بڑاچیلنج ثابت ہوسکتاہےکیونکہ ان میں پانچ آپٹیکل سینسرکی سہولت سے لیس کیمرے لگائے گئے ہیں۔

رپورٹ کے مطابق ہواوے کے کیمرے کا زوم آپشن اور کیمرہ رزلٹ بھی پہلے سے بہت زیادہ اچھا ہوگا کیونکہ اس میں 13x آپٹیکل زوم شامل کیا گیا ہے جبکہ سلفی کیمرے موبائل کے اوپر وسط میں بنائے گئے ہیں۔

لیک ہونے والی تصاویر میں دیکھاجاسکتاہےکہ والیم اورپاور بٹن بھی سائیڈ پردیےگئےہیں جبکہ اس فون میں یوایس بی سی چارجنگ کی سہولت بھی دی جائے گی۔

واضح رہے کہ کمپنی کی جانب سے متوقع فون کے حوالے سے کوئی معلومات فراہم نہیں کی گئیں اور نہ ہی اس کی قیمت یا متعارف کرانے کی تاریخ کا کوئی حتمی اعلان کیا گیا۔