ایپل کمپنی کودیکھ  کرکمپنی شیاؤمی کےبعداوپونےبھی اپنی پہلی اسمارٹ واچ متعارف کرادی ہے۔

تفصیلات کےمطابق اوپو واچ کا اعلان کمپنی کےنئےفلیگ شپ فون فائنڈ ایکس 2 اورایکس 2 پروکےساتھ کیا گیا۔

یہ اینڈرائیڈ آپریٹنگ سسٹم پرکام کرنےوالی اسمارٹ واچ ہےجس میں کوالکوم کا اسنیپ ڈراگون وئیر 2500 پراسیسردیاگیاجبکہ ایک جی بی ریم اور 8 جی بی اسٹوریج موجود ہے۔

اوپواسمارٹ واچ میں بھی فون کال ای سم کی مدد سےممکن ہے جبکہ  دل کی دھڑکن،ورزش کی کارکردگی، نیند کےمعیاراورخواتین کے مخصوص ایام کو بھی ٹریک کرسکتی ہے۔

اوپواسمارٹ واچ  2 ورژن میں دستیاب ہوگی جس میں سے ایک میں 1.91 انچ کا امولیڈ ڈسپلے دیا گیا ہے جو سنگل چارج پر 40 گھنٹے تک کام کرسکے گی۔

جبکہ دوسری گھڑی میں 1.6 انچ کی اسکرین دی گئی ہے جو سنگل چارج پر 24 گھنٹے کام کرے گی، دونوں میں فاسٹ چارجنگ کے لیے وی او او سی ٹیکنالوجی استعمال کی گئی ہے اور 17 منٹ میں 50 فیصد چارج ممکن ہے۔

1.91 انچ ڈسپلے والی گھڑی کی قیمت 1999 یوآن (44 ہزار پاکستانی روپے سے زائد) جبکہ دوسرا ورژن 1499 یوآن (33 ہزار پاکستانی روپے سے زائد) میں فروخت ہوگی اور یہ چین میں 24 مارچ سے دستیاب ہوگی۔

اس گھڑی کا پریمیئم 46 ایم ایم اسٹین لیس اسٹیل ایڈیشن بھی صارفین کے لیے تیار کیا گیا ہے جو کہ 2499 یوآن (55 ہزار پاکستانی روپے سے زائد) میں فروخت ہوگا۔