پیغام رسائی کی مقبول ایپلیکیشن واٹس ایپ نے صارفین کی آسانی کیلئے چند نئے فیچرز کی سہولت آئندہ ہفتے تک پیش کرنے کا اعلان کردیا ہے۔

دنیا کی معروف ایپلیکیشن واٹس ایپ نے اپنی بلاگ پوسٹ کے ذریعے پانچ  فیچرز کی سہولت فراہم کرنے کا اعلان کرتے ہوئے کہا ہے کہ کمپنی ہمیشہ صارفین کی آسانی کیلئے نئے راستے تلاش کرتی رہی ہے۔

تفصیلات کے مطابق واٹس ایپ کے نئے 5 فیچرز میں کیو آر کوڈز، ڈارک موڈ فار ڈیسک ٹاپ، اینیمیٹڈ اسٹیکرز، اسٹیٹس کمز کائی او ایس  اور گروپ ویڈیو کالز شامل ہیں۔

New feature alert! We are rolling out Dark Mode on desktop, improvements to group video calls, Status in KaiOS – and coming in a few weeks, Animated Stickers and QR codes. pic.twitter.com/wflA9WO0wJ

Advertisement

— WhatsApp Inc. (@WhatsApp) July 1, 2020

واٹس ایپ کی جانب سے صارفین کو چیٹ ، آڈیو ویڈیو کالنگ کے جدید فیچر پیش کیے جاتے ہیں، جن کا مقصد صرف یہ ہوتا ہے کہ صارف کسی دوسرے پلیٹ فارم کی طرف متوجہ نہ ہوسکیں۔

کیو آر کانٹیکٹ فیچر

واٹس ایپ نے صارفین کیلئے کیو آر کوڈ کانٹیکٹ فیچر بھی متعارف کرایا، اس فیچر کے تحت اب صارف کو کسی کا نمبر درج کرنے کی ضرورت نہیں ہوگی۔

ڈیسک ٹاپ ڈارک موڈ فیچر

واٹس ایپ نے ڈیسک ٹاپ پر واٹس ایپ استعمال کرنے والے صارفین کیلئے ڈارک موڈ فیچر (تھیم) متعارف کرایا، اس تھیم کو ان ایبل کرنے کے بعد پس منظر (بیک گراؤنڈ) بالکل سیاہ نظر آئے گا۔

مزید پڑھیں

واٹس ایپ کے وہ فیچرز جو بہت کم صارفین جانتے ہیں

واٹس ایپ  دنیا کی مقبول ترین موبائل اپیلی کیشن ہے، جو لوگوں...

اینیمیٹڈ اسٹیکرز

واٹس ایپ کے مطابق اب صارفین اینیمیٹڈ اسٹیکرز کے ذریعے زیادہ بہتر طریقے سے جذبات کا اظہار کرسکیں گے۔

مزید پڑھیں

واٹس ایپ کا زبردست فیچر متعارف

واٹس ایپ کی جانب سے صارفین کے لیے ایک اور نیا فیچر...

اسٹیٹس کمز  کائی آپریٹنگ سسٹم

اسٹیٹس کمز کائی او ایس صارفین اس کی مدد سے اس مشہور فیچر سے لطف اندوز ہوسکتے ہیں جو 24 گھنٹوں کے بعد غائب ہوجانے والی اپ ڈیٹس کو شیئر کرے گا۔

مزید پڑھیں

واٹس ایپ نے زبردست فیچر متعارف کرادیا

موبائل اپیلیکیشن واٹس ایپ نے بیٹا ورژن استعمال کرنے والے صارفین کے...

گروپ کالنگ فیچر

واٹس ایپ نے ویڈیو کالنگ کیلئے بھی فیچر متعارف کرایا ہے جس کے تحت اب 8 دوست ایک ساتھ پہلے سے زیادہ آسانی کے ساتھ بات کرسکتے ہیں۔

واٹس ایپ کی جانب سے جاری اعلامیے میں یہ بھی بتایا گیا ہے کہ مذکورہ فیچرز کو چند ممالک میں متعارف کرا دیا گیا ہے جبکہ بقیہ ممالک جلد ہی ان سہولیات سے استفادہ کرسکیں گے۔