پی ٹی اے کا یوٹیوب سے غیر اخلاقی اور اشتعال انگیز مواد ہٹانے کا مطالبہ

سید قاسم رضا

02nd Sep, 2020. 08:33 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ٹی اے کا یوٹیوب سے غیر اخلاقی اور اشتعال انگیز مواد ہٹانے کا مطالبہ

پاکستان ٹیلی کمیونیکیشن اتھارٹی(پی ٹی اے) نے یوٹیوب سے غیر اخلاقی اور اشتعال انگیز مواد ہٹانے کا مطالبہ کردیا۔

سماجی رابطے کی ویب سائٹ ٹوئیٹر پر پاکستان ٹیلی کمیونیکیشن اتھارٹی(پی ٹی اے)کے اکاؤنٹ سے جاری پیغام میں کہا گیا کہ یوٹیوب سے فوری طور پرغیر اخلاقی ، فحش ،عریاں اور نفرت انگیز تقاریر والے مواد کو ہٹانے کا مطالبہ کیا گیاہے۔

PTA has once again approached @YouTube to immediately block vulgar, indecent, immoral, nude and hate speech content for viewing in Pakistan.
— PTA (@PTAofficialpk) September 2, 2020

واضح رہے کہ گذشتہ روز پی ٹی اے نے پاکستان میں پانچ ڈیٹنگ اور لائیو اسٹریمنگ ایپلی کیشنز ٹنڈر، ٹیگڈ، اسکاؤٹ، گرینڈر اور سے ہائے بلاک کردیں تھیں۔

ترجمان پی ٹی اے کا کہنا تھا کہ مذکورہ ایپلی کیشنز انتظامیہ کو غیر اخلاقی، غیر مہذب منفی اثرات کے مواد کو ہٹانے کے بارے میں کہا تھا جس میں انتظامیہ ناکام رہی۔

تاہم انتظامیہ کی جانب سے مناسب لائحہ عمل کے تحت غیر اخلاقی /غیر مہذب مواد کو مقامی قوانین پر عمل کرتے ہوئے ماڈریٹ کرنے کی یقین دہانی کرائے جانے پر پی ٹی اے اپنے فیصلے پر نظر ثانی کر سکتا ہے۔