سوزوکی کی کم قیمت اور بہترین مائلیج والی نئی گاڑی متعارف

عروبہ خان

13th Nov, 2021. 01:09 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سوزوکی کی کم قیمت اور بہترین مائلیج والی نئی گاڑی متعارف

پاکستان میں کلٹس کے نام سے مشہور گاڑی کا اپ ڈیٹ ورژن متعارف کرادیا گیا ہے جو کہ صارفین کو نہایت کم قیمت اور بہترین مائلیج فراہم کریگی۔

اس گاڑی کے حوالے سے سوزوکی کمپنی کا کہنا ہے کہ کلٹس سیکنڈ جنریشن کو 4 مختلف ورژنز میں پیش کیا گیا ہے جس میں ایل ایکس آئی، وی ایکس آئی، زی ایکس آئی اور زی ایکس آئی پلس شامل ہیں۔

اس گاڑی کی خاصیت کے حوالے سے بات کی جائے تو کمپنی کا کہنا ہے کہ گاڑی میں متعدد اپ ڈیٹس کی گئی ہیں اور یہ ایندھن کی بچت کے حوالے سے سب سے بہترین گاڑی ہے۔

گاڑی کے اندر نیا K10 انجن ہے اور کمپنی کا دعویٰ ہے کہ اس سے 26.68 کلو میٹر فی لیٹر مائلیج حاصل ہوتا ہے۔

یہ انجن 65 ہارس پاور فراہم کرتا ہے، اس میں صارفین کے لیے مینوئل اور اے ایم ٹی ٹرانسمیشن کے آپشن دستیاب ہوں گے۔

اس گاڑی کو فی الحال بھارت میں فروحت کے لئے پیش کردیا گیا ہے اور اس گاڑی کی قیمت 5 لاکھ بھارتی روپے (11 لاکھ پاکستانی روپے) سے شروع ہوگی جو اس کا ایل ایکس آئی ماڈل ہوگا جبکہ سب سے بہتر زی ایکس آئی (اے ایم ٹی کے ساتھ) 6 لاکھ 94 ہزار بھارتی روپے (16 لاکھ پاکستانی روپے سے زائد) میں فروخت کیا جائے گا۔