ایک نئی تحقیق میں معلوم ہوا ہے کہ آپ کے فون کا چناؤ آپ کی شخصیت کے متعلق آپ کی سوچ سے زیادہ بتاتا ہے۔

یونیورسٹی آف لنکن اور لنکیسٹر یونیورسٹی کے محققین کے گروپ نے سیکڑوں لوگوں اور ان کے موبائل کے ساتھ تعلق پر تحقیق کی۔

اس تحقیق میں معلوم ہوا کہ جو اینڈرائیڈ فون خریدتے ہیں وہ لوگ زیادہ ایماندار اور عاجز ہوتے ہیں نسبتاً ان کے جو آئی فون خریدتے ہیں۔

تحقیق کے مطابق ایپل صارفین عموماً ظاہری چیزوں پر جاتے ہیں اور فون کو اپنے اسٹیٹس کے طور پر دیکھتے ہیں۔

تحقیق میں یہ بھی انکشاف کیا گیا کہ اینڈرائیڈ صارفین زیادہ تر بڑی عمر کے، مرد حضرات اور ایماندار ہوتے ہیں جو اپنے نفع نقصان کے لیے اصولوں نہیں توڑتے اور دولت اور اسٹیٹس میں ان کی کم دلچسپی ہوتی ہے۔

اس کے برعکس محققین کو یہ علم ہوا کہ آئی فون صارفین زیادہ تر نوجوان اور دُگنی تعداد میں  خواتین ہوتی ہیں۔

آئی فون صارفین کو اس چیز سے مطلب نہیں ہوتا کہ ان کے پاس ایسی ڈیوائس موجود ہو جو دیگر اکثریت کے پاس ہو۔

محققین کا کہنا تھا کہ یہ اپنی پہلی تحقیق ہے کہ جو لوگوں کی شخصیت اور ان کی جانب سے چُنے گئے فون کے درمیان تعلق بتاتی ہے۔

ڈاکٹر ایلیس اور ان کی ساتھیوں نے تحقیق میں لکھا کہ ایک جیسا کام کرنے کے باوجود موجودہ بیانیہ اور مارکٹنگ کمپین یہ بتاتی ہیں کہ ان دونوں ڈیوائسز کو استعمال کرنے والوں کے درمیان فرق موجود ہے۔

محققین نے مزید لکھا کہ تاہم یہ چیز کبھی تجریدی بنیادوں پر نہیں پرکھی گئی۔

محققین نے 500 سے زائد افراد کو ان کے متعلق اور کے موبائل فون کی جانب رویوں کے حوالے سے متعدد سوالنامے دیے۔

ایک تحقیق میں نفسیات دانوں نے ایک کمپیوٹر پروگرام بنایا جو آئی فون  اور اینڈرائیڈ صارفین کے درمیان فرق کی بنا پر بتاتا تھا کہ کس شخص کے پاس کونسا فون ہے۔

تحقیق میں بتایا گیا کہ شخیصت میں واضح فرق بھی دیکھا گیا جس میں آئی فون صارفین میں ایمانداری اور عاجزی کم جبکہ جذباتیت زیادہ تھی۔

یہ پہلی تحقیق ہے جس میں بتایا گیا ہے کہ فون کے انتخاب کی بناء پر شخصیت کے متعلق بتایا جاسکتا ہے۔