اکثر لوگ اپنے فون کو رات بھر چارج پر لگا کر چھوڑ دیتے ہیں تاکہ وہ جب سو کر اٹھیں تو ان کا موبائل چارج ہو۔
لیکن کیا آپ کو معلوم ہے کہ اس عادت سے وقت کے ساتھ فون کی بیٹری لائف پر کیا اثرات مرتب ہوتے ہیں؟ اگر نہیں تو آج ہم آپ کو بتائیں گے۔
حال ہی میں ایک اسمارٹ فونز تیار کرنے والی کمپنی نے واضح الفاظ میں کہا ہے کہ اپنے فون کو زیادہ وقت تک چارجر پر لگا کر نہیں چھوڑیں یا رات بھر چارج نہ کریں۔
ہر بار بیٹری کو 100 فیصد چارج کرنے سے بیٹری پر تناؤ بڑھتا ہے، اس کے مقابلے میں 30 سے 70 فیصد چارجنگ پر تناؤ اتنا زیادہ نہیں ہوتا جس سے بیٹری لائف میں طویل المعیاد بنیادوں میں اضافہ ہوتا ہے۔
بیٹری لائف کو نقصان پہنچنے سے ہٹ کر بھی رات بھر فون کو چارج کرنے سے لوگوں کو نقصان پہنچ سکتا ہے، خاص طور پر اگر اس بات کا خیال نہ رکھا جائے کہ ڈیوائس کو کہاں چارج کر رہے ہیں۔
اس کی وجہ یہ ہے کہ چارجنگ کے دوران فون کا درجہ حرارت بڑھ جاتا ہے اور اگر کچھ غلط ہو جائے تو فون پھٹ سکتا ہے۔
ماہرین کے مطابق فون کو کبھی بھی بستر پر تکیے کے نیچے چارج پر لگا کر نہ چھوڑیں کیونکہ کپڑا آگ پکڑ سکتا ہے۔
اس کے مقابلے میں لکڑی یا پتھر کی سطح پر فون کو چارج کرنا بہتر ہے کیونکہ ان میں بیٹری کی حرارت زیادہ جذب نہیں ہوتی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News