ایلون مسک نے دنیا کو نئے خطرے سے خبردار کردیا

ویب ڈیسک

03rd May, 2023. 02:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایلون مسک نے دنیا کو نئے خطرے سے خبردار کردیا

ٹیسلا، اسپیس ایکس اور ٹوئٹر جیسی کمپنیوں کے مالک ایلون مسک نے دنیا کو نئے خطرے سے خبردار کردیا ہے۔

تفصیلات کے مطابق ایلون مسک نے کہا ہے کہ اے آئی ٹیکنالوجی پر انحصار انسانیت کے لیے خطرناک ثابت ہو سکتا ہے۔

انہوں نے کہا کہ عام کاموں کے لیے اے آئی ٹیکنالوجی پر انحصار سے ایسا ماحول پیدا ہوگا جس کے باعث انسان ان مشینوں کو چلانا بھول جائیں گے جو اے آئی ٹیکنالوجی کو متحرک کرتی ہیں۔

ان کا کہنا تھا کہ اے آئی/ آٹومیشن پر بے ضرر انحصار بھی تہذیب و تمدن کے لیے اس وقت خطرناک ثابت ہوسکتا ہے جب ہم بتدریج یہ بھول جائیں گے کہ مشینیں کیسے چلتی ہیں۔

اس سے قبل انہوں نے 1909 کی ایک مختصر سائنس فکشن کہانی دی مشین اسٹاپ کا لنک بھی شیئر کیا جس میں ایسے مستقبل کی پیشگوئی کی گئی تھی جس میں انسانیت مشینوں کی محتاج ہو جاتی ہے۔

ایلون مسک طویل عرصے سے اے آئی ٹیکنالوجی کے خلاف بات کرتے رہے ہیں اور دیگر شخصیات جیسے مارک زکربرگ اور بل گیٹس پر اس حوالے سے تنقید کر چکے ہیں۔