ٹیسلا، اسپیس ایکس اور ٹوئٹر جیسی کمپنیوں کے مالک ایلون مسک نے دنیا کو نئے خطرے سے خبردار کردیا ہے۔
تفصیلات کے مطابق ایلون مسک نے کہا ہے کہ اے آئی ٹیکنالوجی پر انحصار انسانیت کے لیے خطرناک ثابت ہو سکتا ہے۔
انہوں نے کہا کہ عام کاموں کے لیے اے آئی ٹیکنالوجی پر انحصار سے ایسا ماحول پیدا ہوگا جس کے باعث انسان ان مشینوں کو چلانا بھول جائیں گے جو اے آئی ٹیکنالوجی کو متحرک کرتی ہیں۔
ان کا کہنا تھا کہ اے آئی/ آٹومیشن پر بے ضرر انحصار بھی تہذیب و تمدن کے لیے اس وقت خطرناک ثابت ہوسکتا ہے جب ہم بتدریج یہ بھول جائیں گے کہ مشینیں کیسے چلتی ہیں۔
اس سے قبل انہوں نے 1909 کی ایک مختصر سائنس فکشن کہانی دی مشین اسٹاپ کا لنک بھی شیئر کیا جس میں ایسے مستقبل کی پیشگوئی کی گئی تھی جس میں انسانیت مشینوں کی محتاج ہو جاتی ہے۔
ایلون مسک طویل عرصے سے اے آئی ٹیکنالوجی کے خلاف بات کرتے رہے ہیں اور دیگر شخصیات جیسے مارک زکربرگ اور بل گیٹس پر اس حوالے سے تنقید کر چکے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News