گوگل نے اپنی مقبول سروس میپس میں خاموشی سے بڑی تبدیلی کر دی ہے۔

تفصیلات کے مطابق گوگل کی جانب سے میپس کے وائس کنٹرولز کو بہتر بنایا گیا ہے۔

اس اپ گریڈ کے بعد صارفین گوگل میپس پر زیادہ تیزی سے اپنے مطلوبہ راستوں کو تلاش کر سکیں گے۔

انہیں بس یہ کہنا ہوگا کہ وہ کہاں جانا چاہتے ہیں جس کے بعد نیا اور پہلے سے بہتر گوگل اسسٹنٹ تیزی سے راستوں کی نشاندہی کرے گا۔

گوگل میپس میں وائس کنٹرولز پہلے کچھ سست روی سے کام کرتے تھے اور اگر ایپ الفاظ کو درست سن نہیں پاتی تو غلط راستے کی نشاندہی کا خطرہ بھی بڑھتا تھا۔

مگر کمپنی نے گوگل میپس کے لیے وائس کنٹرولز کو بہتر کیا ہے اور صارف جو کچھ بولتا ہے وہ بڑے الفاظ میں لکھا بھی نظر آتا ہے جس سے غلط راستے پر جانے کا امکان کم ہو جاتا ہے۔

گوگل میپس کی سرچ بار پر مائیکرو فون آئیکون پر کلک کریں تو آپ کے سامنے ‘نیو فاسٹر ویز ٹو سرچ آن میپس’ کا آپشن نظر آئے گا، جس کے ذریعے اس نئی اپ گریڈ کو استعمال کیا جا سکتا ہے۔

واضح رہے کہ اینڈرائیڈ صارفین کے لیے گوگل میپس میں یہ اپ گریڈ کر دی گئی ہے اور اگر آپ کو دستیاب نہیں تو ایپ کو اپ ڈیٹ کرلیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں