آئی فون صارفین کے لئے بڑی خوشخبری آ گئی ہے۔

تفصیلات کے مطابق ایپل کی آئی فون 15 سیریز کو متعارف ہونے میں 2 دن باقی ہیں مگر آئی فون 15 کے ڈیزائن کی جھلک سامنے آئی ہے۔

ایپل انسائیڈر کی رپورٹ میں آئی فون 15 کے ڈمی یونٹس دکھائے گئے جس سے عندیہ ملتا ہے کہ اس بار یہ اسمارٹ فون 9 مختلف رنگوں میں دستیاب ہوگا۔

اس کے مقابلے میں آئی فون 15 پرو اور 15 پرو میکس 4 رنگوں میں دستیاب ہوں گے۔

ان ڈمی یونٹس سے یہ بھی معلوم ہوتا ہے کہ تمام آئی فون 15 ماڈلز میں سیلفی کیمرے کے لیے ڈائنک آئی لینڈ ڈیزائن دیا جائے گا۔

آئی فونز میں سب سے بڑی اپ ڈیٹ چارجنگ پورٹ کی تبدیلی ہوگی، ایپل کی جانب سے آئی فون 15 سیریز کے لیے یو ایس بی سی چارجنگ پورٹ کو متعارف کرایا جا رہا ہے۔

آئی فون 15 پرو ماڈلز کو گزشتہ سال کے ماڈلز کے مقابلے میں زیادہ تیزی سے چارج کرنا ممکن ہوگا۔

واضح رہے کہ آئی فون 15، 15 پلس، 15 پرو اور 15 پرو میکس کو 12 ستمبر کو متعارف کرایا جائے گا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں