ایبٹ آباد؛ شارٹ سرکٹ سے گھر میں آگ بھڑک اٹھی، 9 افراد جاں بحق

ویب ڈیسک

24th Dec, 2023. 12:42 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایبٹ آباد؛ شارٹ سرکٹ سے گھر میں آگ بھڑک اٹھی، 9 افراد جاں بحق

ایبٹ آباد میں شارٹ سرکٹ ہونے سے گھر میں آگ بھڑک اٹھی جس کے باعث 9 افراد جاں بحق ہو گئے۔

تفصیلات کے مطابق یہ واقعہ قلندر آباد کے گاؤں ترھیڑی کے مقام پر پیش آیا جہاں گھر میں خوفناک آتشزدگی سے 9 افراد جاں بحق ہو گئے۔

اطلاع ملنے پر ریسکیو 1122 کی ڈزاسٹر ویکل بمعہ ٹیم اور فائر ویکل بمعہ فائٹرز اور تین ایمبولینسز جائے حادثہ پر پہنچیں، دشوار گزار راستے ہونے کی وجہ سے ریسکیو کی ٹیموں کو موقع پر پہنچنے میں شدید مشکلات پیش آئیں۔

ابتدائی اطلاعات کے مطابق ایک ہی فیملی کے 9 افراد گھر کچا ہونے کی وجہ سے مکان میں ہی دب گئے۔

مکان بستی سے قدرے ہٹ کر واقع ہے جس کی وجہ سے اردگرد واقع گھروں کو حادثہ کی بروقت اطلاع نہ مل سکی۔

متاثرہ شخص محمد ذاکر ولد مال افسر محنت مزدوری کر کے اپنے خاندان کا سہارا بنتا تھا۔

آرٹیکل کا اختتام

اگلی خبر

واٹس ایپ صارفین کے لئے انتہائی اہم خبر آ گئی

ویب ڈیسک

18th Dec, 2023. 03:21 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

واٹس ایپ صارفین کے لئے انتہائی اہم خبر آ گئی

واٹس ایپ دنیا بھر میں سب سے زیادہ استعمال ہونے والی سماجی رابطے کی ایپلی کیشن ہے اور یہی وجہ ہے کہ واٹس ایپ تیزی سے ترقی کرتے ہوئے اپنے صارفین کو بہتر سہولیات فراہم کرنے کے لیے آئے دن نئے فیچر متعارف کرواتا رہتا ہے۔

اس بار واٹس ایپ اپنے صارفین کے لیے اسٹیٹس اپ ڈیٹ ہیڈر کا نیا لے آؤٹ جلد متعارف کرانے جا رہا ہے۔

رپورٹ کے مطابق میٹا کی ذیلی ایپ نے نئے ڈیزائن والا اسٹیٹس اپ ڈیٹ ہیڈر فی الحال صرف اینڈرائیڈ بیٹا صارفین کے لیے جاری کیا ہے اور اس کے لیے صارفین کو 2.23.26.13 ورژن ڈاؤن لوڈ کرنا ہوگا۔

رپورٹ میں بتایا گیا کہ واٹس ایپ اسٹیٹس اپ ڈیٹس ہیڈر میں کیمرا اور پینسل کے نشان کے دو بٹن کا اضافہ کرنے جا رہا ہے۔

یہ بٹن صارفین کے لیے بطور شارٹ کٹ کام کریں گے اور صارفین بغیر کسی زحمت کے تصاویر، ویڈیو، جف اور تحریر اپنے کانٹیکٹس کے ساتھ شیئر کر سکیں گے۔

کمپنی کا مقصد ہے کہ کیمرا اور پینسل کے بٹن شامل کر کے لے آؤٹ کو منظم بناتے ہوئے صارفین کے تجربے کو بہتر کیا جائے۔

خیال رہے حال ہی میں واٹس ایپ نے آزمائش کے لیے چینلز الرٹس فیچر بیٹا صارفین کو پیش کیا ہے۔