معروف سرچ انجن گوگل نے اے آئی چیٹ بوٹ بارڈ میں تحریر کو تصویر میں بدلنے کا بہترین فیچر متعارف کروادیا ہے۔
رپورٹ کے مطابق اگر آپ کو کسی موضوع کے بارے میں تصویر چاہیے تو سرچ کرکے ڈھونڈنے کی بجائے اسے گوگل بارڈ پر جاکر بھی تیار کر سکتے ہیں۔
جی ہاں، رپورٹ میں بتایا گیا کہ کمپنی کی جانب سے بارڈ میں ٹیکسٹ ٹو امیج فیچر متعارف کرانے کا اعلان کیا گیا ہے جو تمام صارفین کو دستیاب ہے۔
یہ فیچر گوگل کے نئے diffusion ماڈل امیجن 2 پر کام کرتا ہے اور اس سے تیار ہونے والی تصاویر پر ڈیجیٹل واٹر مارک ہوگا۔
اس اپ ڈیٹ کے بعد گوگل بارڈ بھی چیٹ جی پی ٹی اور مائیکرو سافٹ کو پائلٹ کی طرح اے آئی تصاویر بنانے والے چیٹ بوٹس میں شامل ہوگیا ہے۔
کمپنی نے بتایا کہ اے آئی تصاویر اور انسانوں کے تیار کردہ آرٹ ورک کے درمیان واضح فرق رکھا جائے گا۔
گوگل نے واضح کیا کہ لوگوں کے نام لکھ کر تصاویر بنانے کی اجازت نہیں دی جائے گی، کیونکہ اس پابندی کا مقصد ڈیپ فیک تصاویر کی تیاری کو روکنا ہے۔
یہ فیچر ابھی صرف انگلش ہدایات پر ہی کام کرے گا۔
گوگل کے مطابق ٹیکسٹ ٹو امیج فیچر کے ساتھ ساتھ گوگل بارڈ میں اے آئی ماڈل ماڈل جیمنائی پرو کی سپورٹ بھی مختلف زبانوں میں فراہم کی جا رہی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News