مودی سرکار کی جانب سے امریکا میں ٹیکساس جلسے کے دوران بھی مسلمانوں کے خلاف تعصب کا مظاہرہ کیا گیا۔

بھارتی نژاد امریکی مزاحیہ اداکار حسن منہاج کو بھارتی وزیراعظم نریندر مودی کی ریلی میں شرکت سے روک دیا گیا۔

وہ افراد جو سوشل میڈیا پر سرگرم رہتے ہیں، حسن منہاج سے ضرور واقف ہوں گے۔

وہ نریندر مودی کے نقادوں میں شمارہوتے ہیں اور ایک بار پھر وہ شہ سرخیوں کا حصہ بن گئے ہیں ۔

حسن منہاج نے مائیکرو بلاگنگ کی ویب سائٹ ٹویٹر پر ایک تصویر شیئر کی، جس میں وہ کالا لباس زیبِ تن کیے ہیوسٹن میں اُس سٹیڈیم کے باہر کھڑے تھے جہاں بھارت  کے وزیراعظم نریندر مودی کا جلسہ ’ہاؤڈی مودی‘ منعقد کیا جا رہا تھا۔

Here to celebrate two great nations coming together. India first. But America first too. #HowdyModi pic.twitter.com/tqlGCOKI70

— Hasan Minhaj (@hasanminhaj) September 22, 2019

حسن منہاج نے ٹویٹ کیا تھا ’میں یہاں دو عظیم قوموں کے ملاپ کو دیکھنے کے لیے آیا ہوں۔ پہلے انڈیا لیکن پہلے امریکہ بھی۔‘

حسن منہاج کی ٹویٹ کے بعد سماجی رابطے کی ویب سائٹ ٹوئٹر پر ایک ویڈیو وائرل ہو گئی جس میں حسن منہاج موبائل فون پر ایونٹ پروڈیوسر سے بات کر رہے ہیں جو تصدیق نامہ ہونے کے باوجود انہیں جلسہ گاہ میں داخل ہونے سے روک رہا ہے۔

An Islamophobic attack on press in 3 acts: Muslim journalist and @patriotact host @hasanminhaj was denied access at Tump/Modi event. Event producers cite lack of credentials (despite credentials set for him), cite lack of space for broadcast (press pool & camera risers 1/2 empty) pic.twitter.com/4mvjwLrFGy

— The Sparrow Project (@sparrowmedia) September 22, 2019

حسن منہاج کی طرف سے ٹوئٹر پر ’ہاؤڈی مودی‘ کے ہیش ٹیگ کے ساتھ تصویر لگانے کے بعد صارفین نے ملے جلے ردِعمل کا اظہار کیا۔

لوگوں نے ان کی جانب سے جلسے میں شرکت کو تنقید کا نشانہ بنایا۔

دوسری جانب مقبوضہ کشمیر میں نریندر مودی کی ظالمانہ پالیسیوں کے خلاف ہیوسٹن اور گلاسگو میں بھی سیکڑوں مظاہرین سڑکوں پر نکل آئے۔

مظاہرین کا کہنا تھا کہ مسلمانوں، سکھوں، کرسچنز اور نچلی ذات والے ہندؤوں پر تشدد کے واقعات میں اضافہ ہوا ہے، مودی ایک ہندو انتہا پسند ہے اور گجرات میں مسلمانوں کا قاتل ہے۔